বলীউডৰ বহুবোৰ গানৰ ৰীল ভিডিঅত কিলি পলৰ নৃত্যই সকলোকে চমকিত কৰি আহিছে। বিদেশী এইজন নৃত্য ভালপোৱা শিল্পীয়ে ভাৰতত হিট হোৱা বহুবোৰ গীতত ৰীল ভিডিঅ’ কৰি সকলোকে আমোদ দি আহিছে। কিলিৰ হাঁহিও অতি মন পৰশা। কেতিয়াবা কিলিৰ সৈতে ৰীলবোৰত তেওঁৰ ভগ্নীয়েও সহযোগ কৰে। দক্ষিণ আফ্ৰিকাৰ নৃত্যশিল্পী কিলী পল কণ্টেণ্ট ক্ৰিয়েটৰ হিচাপে পেছাগত জীৱন আৰম্ভ কৰিছিল। তেওঁ ভাৰতীয় গানক প্ৰাধান্য দি ৰীল ভিডিঅ বনাই আহিছে।
অলপতে তাঞ্জানিয়াস্থিত ভাৰতীয় উচ্চায়ুক্তৰ দ্বাৰা সন্মান জনেৱা হয় এইগৰাকী শিল্পীক। তাঞ্জানিয়াৰ ভাৰতীয় উচ্চায়ুক্ত বিনয়া প্ৰধানে ছচিয়েল মিডিয়াযোগে শ্বেয়াৰ কৰা ফটোত উল্লেখ কৰে যে, তাঞ্জানিয়াৰ ভাৰতীয় উচ্চায়ুক্তৰ কাৰ্যালয়লৈ এইগৰাকী বিশেষ অতিথি আহে। উচ্চায়ুক্তৰ তৰফৰ পৰা সন্মান জনোৱাৰ লগতে আলোচনাতো মিলিত হয়। উল্লেখ্য যে কিলীৰ ইনষ্টাগ্ৰামত ২.২ মিলিয়ন অনুৰাগীৰ লগতে টিকটকত ১.৭৬ মিলিয়ন অনুৰাগী আছে।
