নিউজিলেণ্ডৰ পৰা হতচকিত কৰা এক ঘটনা পোহৰলৈ আহিছে।
তাত এগৰাকী ইনষ্টাগ্ৰাম মডেলে পলেন উৰুৱাই দিয়াৰ ভাবুকি (Instagram Model Threatened To Blow Up Airplane) প্ৰদান কৰিছে, ইয়াৰ পিছত বিমানখনত হুলস্থুল পৰিৱেশৰ সৃষ্টি হয়।
এই ভাবুকিৰ কাৰণ হ’ল যে, ইনষ্টাগ্ৰাম মডেলগৰাকীক বিমানৰ ক্ৰু মেম্বাৰে ৱাইন দিয়া নাছিল।
যাৰ বাবে ক্ষুব্ধ হৈ পৰিছিল মডেলগৰাকী।
ইনষ্টাগ্ৰাম মডেলগৰাকীয়ে ক্ৰুৰ সৈতে কৰিছিল অসভ্য আচৰণ
নিউজ ডট কম ডট এউত প্ৰকাশ পোৱা ৰিপৰ্ট অনুসৰি,
নিউজিলেণ্ডৰ বিমানখনত ক্ৰু মেম্বাৰৰ সৈতে অভদ্ৰ আচৰণ আৰু বিমান উৰুৱাই দিয়াৰ ভাবুকি প্ৰদান কৰাৰ পিছত ইনষ্টাগ্ৰাম মডেল হানাহ লি পিয়ৰ্ছনৰ বিৰুদ্ধে গোচৰ ৰুজু কৰা হয়।
এনেদৰে আৰম্ভ হৈছিল বাক-বিতণ্ডা
উল্লেখ্য বিমানখনত থকা যাত্ৰীসকলক ক্ৰু মেম্বাৰে খানা প্ৰদান কৰি আছিল, সেই সময়তে মডেল হানাহ লি পিয়ৰ্ছনে ৱাইন বিচাৰে।
তেতিয়া ক্ৰু মেম্বাৰে তেওঁক ক’লে যে ৱাইন আহাৰৰ সৈতে Complimentary নহয়।
যদি তেওঁ ৱাইন পান কৰিব বিচাৰে তেন্তে তেওঁ ক্ৰয় কৰিব লাগিব বেলেগকৈ।
ইয়াৰ পিছতে মডেলগৰাকী ক্ষুব্ধ হৈ পৰে আৰু ক্ৰু মেম্বাৰক অশ্লীল গালি-গালাজ কৰিবলৈ আৰম্ভ কৰে।
ক্ৰু মেম্বাৰক প্ৰহাৰৰ চেষ্টা
মডেলগৰাকীয়ে ক্ৰু মেম্বাৰক ক’লে যে, মই নাজানো যে আহাৰৰ সৈতে কি পাই, কি নাপায়।
মোক কেৱল ৱাইন আনি দিয়ক।
ইয়াৰ পিছত ক্ৰু মেম্বাৰ মান্তি নহ’ল আৰু বাক-বিতণ্ডা কৰিবলৈ আৰম্ভ কৰে।
হানাহে ক্ৰু মেম্বাৰৰ হাতত ধৰে আৰু প্ৰহাৰ কৰিবলৈ চেষ্টা চলায়।
ইয়াৰ পিছত স্থিতি ইমানেই বেয়া হৈ পৰিল যে, ৱাইন নিদিলে মডেলগৰাকীয়ে বিমানখন উৰুৱাই দিব বুলি ভাবুকি প্ৰদান কৰে।
ইয়াৰ পিছত ক্ৰু মেম্বাৰে মডেলগৰাকীৰ হাতত হেণ্ডকাফ লগাই দিয়ে আৰু এটা ছীটত বেল্টৰ সহায়েৰে বান্ধি থৈ দিয়ে।
Photo: Google
