কেন্সাৰ ৰোগত আক্ৰান্ত অভিনেতা কিশোৰ দাসৰ বাবে ম্ৰিয়মান শিল্পীসমাজৰ লগতে অসমৰ ৰাইজ। Health City হাস্পতালত চিকিৎসাধীন হৈ থকা অভিনেতাজনে বহুতো জনপ্ৰিয় গীতৰ ভিডিঅ’ত নৃত্য তথা অভিনয় কৰি কিশোৰে অসমবাসীৰ হৃদয়ত সুকীয়া আসন দখল কৰিবলৈ সক্ষম হৈছে।
প্ৰতিভাৱান অভিনেতাগৰাকীৰ চিকিৎসাৰ বাবে বৰ্তমান সময়ত বহুত টকাৰ প্ৰয়োজন। অভিনেতাজনক সহায়ৰ হাত আগবঢ়াইছে বিভিন্নজনে। কিশোৰ দাসক মুখ্যমন্ত্ৰী হিমন্ত বিশ্ব শৰ্মাই আগবঢ়াইছে ২.৫০ লাখ টকাৰ এককালীন সাহায্য। উল্লেখ্য যে, উন্নত চিকিৎসাৰ বাবে আজি অৰ্থাৎ দেওবাৰে বিয়লি কিশোৰক লৈ যোৱা হ’ব মুম্বাইলৈ।
মুম্বাইৰ প্ৰিন্স আলী চিকিৎসালয়ত চলিব তেওঁৰ চিকিৎসা।এই কথা সদৰী কৰিলে কিশোৰ দাস বৰ্তমান চিকিৎসাধীন হৈ থকা হেল্থ চিটি হাস্পতালে। কিশোৰক মুম্বাইলৈ নিয়াৰ খৰছ বহন কৰিব জুবিন গাৰ্গে। সুস্থ হৈ সোনকালেই মুম্বাইৰ পৰা উভতি আহক কিশোৰ দাস। তেওঁ আকৌ তেওঁৰ সুন্দৰ নৃত্য আৰু অভিনয়ৰে ৰাইজক কৰিব লাগিব মন্ত্ৰমুগ্ধ।কিশোৰ দাসৰ আশু আৰোগ্য কামনা কৰি প্ৰাৰ্থনা জনাইছে তেওঁৰ অজস্ৰ গুণমুগ্ধই।
