দৰ্শকৰ বাবে সুখৱৰ ৷ ৪ ডিচেম্বৰৰ নিশা ১২ বজাৰ পৰা সকলোৰে বাবে বিনামূলীয়া হ’ব নেটফ্লিক্স । কোনো প্ৰিমিয়াম নোলোৱাকৈয়ে আপুনি চাব পাৰিব মন পচন্দৰ চিনেমা, চিৰিজ । অৱশ্যে এয়া কেৱল দুদিনৰ বাবেহে নেটফ্লিক্সে দৰ্শকক দিছে বিশেষ সুবিধা । ৫ ডিচেম্বৰ আৰু ৬ ডিচেম্বৰত সকলোৰে বাবে বিনামূলীয়া হ’ব নেটফ্লিক্স । এই বিশেষ সুবিধাটো আজি নিশা ১২ বজাৰ পৰা আৰম্ভ হ’ব ।
উল্লেখ্য যে নেটফ্লিক্সে কিছুদিন পূৰ্বে ঘোষণা কৰিছিল যে ‘ষ্ট্ৰীম ফেষ্ট’ৰ অধীনত দুদিনৰ বাবে নেটফ্লিক্স বিনামূলীয়া কৰা হ’ব । নেটফ্লিক্সৰ ফালৰ পৰা জাৰি কৰা গাইডলাইন অনুসৰি এই অফাৰত সকলো ধৰণৰ বিযয়বস্তুৱে উপলব্ধ হ’ব । ইয়াৰ অৰ্থ এয়ে যে নেটফ্লিক্সৰ প্ৰিমিয়াম ফীচাৰ্চ সমূহো সকলোৱে বিনামূলীয়াকৈ চাব পাৰিব ।মন কৰিবলগীয়া যে এই ষ্ট্ৰীম ফেষ্ট কেৱল সেই সকলৰ বাবেহে যি নেটফ্লিক্সত চাবস্ক্ৰাইবাৰ নহয় । অৰ্থাত যি সকলৰ প্ৰথমৰ পৰা নেটফ্লিক্স ব্যৱহাৰ কৰি আছে তেওঁলোকৰ বাবে এই সুবিধা উপলব্ধ নহয় । বিনামূলীয়াৰ লাভ উঠাবলৈ আপুনি প্ৰথমে নেটফ্লিক্স ডাউনড কৰিব লাগিব, নহলে Netflix.com/streamfest ত যাব পাৰে ।
