বিবাহৰ পিছতো মাতৃ অমৃতাৰ সৈতে থাকিব বিচাৰে অভিনেত্ৰী ছাৰা আলি খানে ।
এক সাক্ষাৎকাৰত এই কথা প্ৰকাশ কৰিছে জনপ্ৰিয় অভিনেত্ৰীগৰাকীয়ে ।
মাতৃ অমৃতাৰ সৈতে কটোৱা অন্তৰংগ মুহূৰ্তৰ ফটো শ্বেয়াৰ কৰিছে ইনষ্টাগ্ৰামত ।
জীৱনৰ অধিক সময় মাতৃৰ সৈতে অতিবাহিত কৰা ছাৰা ডাঙৰ হৈছে মাতৃৰ আদৰ্শতেই ।
পিতৃ ছেইফ আলি খানৰ সৈতে অমৃতাৰ বিবাহ বিচ্ছেদ হোৱাৰ সময়ত ছাৰাৰ বয়স আছিল মাত্ৰ ৯ বছৰ ।
তেতিয়াৰে পৰা মাতৃৰ তত্বাবধানতেই ডাঙৰ হৈছে ছাৰা আলি খান ।
মাতৃ অমৃতা সিঙৰ মৰমেৰে আবৃত ছাৰাৰ জীৱন ।
এক সাক্ষাৎকাৰত ছাৰাই কয়, ‘মই গোটেই জীৱন মাৰ সৈতে থকাৰ সিদ্ধান্ত গ্ৰহণ কৰিছো।
এই কথাষাৰ ক’লে মায়ে মোক খং কৰে ।
কাৰণ মোৰ বিয়াৰ প্ৰস্তুতি আৰম্ভ কৰিছে ।’
কিন্তু মাতৃক অকলশৰীয়া কৰি যাবলৈ প্ৰস্তুত নহয় ছাৰা ।
মাকৰ সৈতে সময় অতিবাহিত কৰি ভাল পায় ছাৰাই ।
অমৃতা আৰু ছাৰাৰ মাজৰ মাক-জীয়েকৰ সম্পৰ্কতকৈ বেছি দুয়োগৰাকী অন্তৰংগ বান্ধৱী ।
সাক্ষাৎকাৰত এই কথা প্ৰকাশ কৰিছে ছাৰাই ।
কিন্তু মাকলৈ আটাইতকৈ বেছি ভয় কৰে বুলিও উল্লেখ কৰিছে ছাৰাই ।
পৰিয়ালৰ সৈতে নিজকে ওতঃপ্ৰোতভাৱে জড়িত কৰি ৰাখে অভিনেত্ৰীগৰাকীয়ে ।
ব্যস্ত ৰুটিনত সুবিধা পালেই মাতৃ আৰু ভাতৃৰ সৈতে সময় অতিবাহিত কৰে ছাৰাই ।
কিছুদিন পূৰ্বেও তেওঁলোকৰ সৈতে মালদ্বীপলৈ গৈছিল অভিনেত্ৰীগৰাকী ।
photo: google