অসমীয়া বোলছবি জগতৰ খ্যতনামা অভিনেতা, কেইবাটাও প্ৰজন্মৰ আদৰ্শস্বৰূপ নিপন গোস্বামীৰ আজি পুৱা গুৱাহাটীৰ নেমকেয়াৰ চিকিৎসালয়ত মৃত্যু হয়। বৰ্ষীয়ান অভিনেতাগৰাকীক সোমবাৰেই চিকিৎসালয়ত ভৰ্তি কৰোৱা হৈছিল। অভিনেতাগৰাকীৰ অসুস্থতাৰ খবৰ বিয়পি পৰাৰ লগে লগে তেওঁৰ গুণমুগ্ধসকলে দ্ৰুত আৰোগ্য কামনাৰে প্ৰাৰ্থনা কৰিছিল যদিও অৱশেষত নিয়তিৰ ওচৰত যেন সকলোৱে হাৰ মানিব লগা হল।
শ্বাস প্ৰশ্বাসৰ সমস্যাত ভোগা প্ৰবীণ অভিনেতাগৰাকী দীৰ্ঘদিনৰ পৰা হৃদৰোগত আক্ৰান্ত হৈ আছিল। অসমীয়া ছবিজগতৰ মহীৰূহ স্বৰূপ অভিনেতাগৰাকীৰ মৃত্যু অসমৰ বাবে এক অপূৰণীয় ক্ষতি।
