অস্কাৰ অনুষ্ঠানত ঘোষকৰ গালত চৰ শোধোৱাৰ কাৰণে ১০বছৰৰ বাবে অস্কাৰৰ পৰা নিষিদ্ধ কৰা হল হলিউদৰ জনপ্ৰিয় অভিনেতা উইল স্মিথক। ২০২২বৰ্ষত অস্কাৰত শ্ৰেষ্ঠ অভিনেতাৰ বটাঁও লাভ কৰিছিল স্মিথে। উল্লেখ্য যে, অস্কাৰ বঁটা প্ৰদানৰ নিশা ঘোষক হিচাপে থকা জনপ্ৰিয় কমেডিয়ান ক্ৰিজ ৰকৰ গালত চৰ শোধাইছিল স্মিথে। স্মিথৰ পত্নীৰ বেমাৰক লৈ কৰা এক ধেমালি গভীৰভাৱে লৈ চৰ শোধাইছিল স্মিথে।
অস্কাৰৰ দৰে অনুষ্ঠানত এনে ব্যৱহাৰৰ বাবে ক্ষমা প্ৰাৰ্থনাও কৰিছিল স্মিথে। কিন্তু তেওঁৰ ব্যৱহাৰৰ বাবে এই সিদ্ধান্ত গ্ৰহণ কৰিছে Academy of Motion Picture Arts and Sciencesৰ বিশেষ বৰ্ডে। অৱশ্যে এই ব্যৱহাৰৰ পাছতেই একাডেমীৰ পৰা অব্যাহতি লৈছিল স্মিথে।
