২১ জুনৰ পৰা আৰম্ভ হোৱা ‘অম্বুবাচী’ বা ‘আহাৰ সাত’ ২৫ জুনলৈকে পালন কৰা হব। আহাৰ মাহত মৃঘশিৰা তৰাৰ তৃতীয় কাৰ্যকাল শেষ হোৱাৰ পিছতহে, অৰ্থাৎ চতুৰ্থ শ্লোকৰ আৰম্ভণিৰ তিনি দিনৰ পিছত, অম্বুবাচী ৰীতি-নীতি বা ব্ৰত পালন কৰা হয়। অম্বুবাচী হিন্দু ধৰ্মৰ এটা ৰীতি বা ব্ৰত। শাস্ত্ৰ অনুসৰি, পৃথিৱীত তৰাৰ চতুৰ্থ স্থানত ঋতুস্ৰাৱ হৈছে। যিদৰে এগৰাকী পূৰ্ণবয়স্ক মহিলাই ঋতুস্ৰাৱৰ পিছত সন্তান জন্ম দিবলৈ সক্ষম হয়, সেইদৰে পৃথিৱীও অম্বুবাচীৰ পিছত শস্য শ্যামলা হৈ পৰে। এই সময়ছোৱাত কৃষি বন্ধ কৰা হয়। ভূমিত যি কোনো ধৰণৰ হাল চলোৱা, মাটি খনন কৰা বা সকলো ধৰণৰ কৃষি কাৰ্য পৰিহাৰ কৰা হয়। গছৰ পাত, ফল-মূল আদি ছিঙাটো বাধা দিয়া হয়।
বিভিন্নজনে এই তিনিদিন বিশেষ ধৰণে পালন কৰে। জনবিশ্বাস অনুসৰি, এই তিনিদিনত কোনো মাংগলিক কাম কৰা নহয়। এই তিনিটা দিন পাৰ হৈ যোৱাৰ পিছত মাংগলিক কাম বা কৃষিকৰ্মত কোনো বাধা নাই। ঘৰৰ মন্দিৰৰ দুৱাৰ তিনিদিনৰ বাবে বন্ধ কৰা হয় আৰু কোনো ধৰণৰ পূজা-পাতল কৰো নহয়।
অম্বুবাচীৰ সময়ত ব্ৰত পালন কৰা সকলে নিৰামিষ খাদ্য গ্ৰহন কৰিব লাগে। অম্বুবাচীৰ সময়ত কেঁচা গাখীৰ অৰ্থাৎ এৱা গাখীৰ খাৱ লাগে। ঘৰ-দূৱাৰ পৰিস্কাৰ কৰাৰে পৰা ঘৰত ব্য়ৱহৃত কাপোৰ কানি, পাকঘৰৰ বাচন বৰ্তন ভালদৰে পৰিস্কাৰ কৰাটো অত্যন্ত জৰুৰী নিয়ম বুলি ধৰা হয়।
অম্বুবাচীৰ সময়ত, অসমৰ কামাখ্যা মন্দিৰত এক বিশেষ উৎসৱ পালন কৰা হয়। সতিপিথৰ অন্যতম কামাখ্যা মন্দিৰ হৈছে তন্ত্ৰ সাধনাৰ অন্যতম স্তম্ভ। দেৱী সতীৰ গৰ্ভ আৰু যোনি এই ঠাইত পৰিছিল। অম্বুবাচীৰ এই তিনিদিনত এই মন্দিৰত বিশেষ উৎসৱ পালন কৰা হয়। যদিও কামাখ্যা মন্দিৰ এই তিনিদিনৰ বাবে বন্ধ থাকে, চতুৰ্থ দিনা, দেৱীৰ মন্দিৰ জনসাধাৰণৰ দৰ্শনৰ বাবে মুকলি কৰা হয়। অম্বুবাচীৰ সময়ত দেশ-বিদেশৰ পৰা বিভিন্ন ভক্ত-দৰ্শনাৰ্থী আহি মা কামাখ্যা মন্দিৰত ভিৰ কৰেহি।
এইবাৰ অম্বুবাচীত ২১ জুনৰ নিশা ১১ বাজি ৪৫ মিনিটৰ পৰা মা কাম্যাখা দেৱীৰ প্ৰবৃত্তি আৰম্ভ হৱ।
লোকবিশ্বাস মতে অম্বুবাচী অৰ্থ হ’ল পৃথিৱী ৰজস্বলা হোৱা।
প্ৰবৃত্তিৰ সময় = ৬আহাৰ ,(২১জুন ২০২২ ) নিশা ১১ বাজি ৪৪ মিনিটৰ ৫৭ চেকেণ্ড( দেওবাৰ)
নিবৃত্তি= ১০ আহাৰ (২৫ জুন ২০২২) ৰ পুৱা ১১ বাজি ৩৪ মিনিট ৪৮ চেকেণ্ড (বৃহস্পতিবাৰ)
