আপুনি নিশ্চয় এই প্ৰবচন শুনিবলৈ পাইছে যে উৎসাহত জ্ঞান হেৰুৱালে নিজৰে ক্ষতি হয়।
ঠিক এনেধৰণৰ ঘটনাই সংঘটিত হৈছে ৰুছত।
য’ত এজন ৬০ বছৰীয়া লোকে এটা চেলেঞ্জৰ বাবে ১.৫ লিটাৰ Vodka(সুৰা) পান কৰে। ইয়াৰ পিছতে ঘটনাস্থলীতে মৃত্যুক সাৱটি লয় লোকজনে।
দৰাচলতে ৬০ বছৰীয়া এগৰাকী বয়োজ্যেষ্ঠ লোকে ইউটিউবত লাইভ ষ্ট্ৰীমিঙৰ সময়ছোৱাত অত্যাধিক মাত্ৰাত সুৰাপানৰ চেলেঞ্জ স্বীকাৰ কৰে
আৰু সেই চেলেঞ্জ সম্পূৰ্ণ কৰিবলৈ ১.৫ লিটাৰ Vodka পান কৰে।
লাইভ ষ্ট্ৰীমিঙত তেওঁক সুৰাপান কৰি থকা প্ৰত্যক্ষ কৰি থকা দৰ্শকে তেওঁৰ মৃত্যুত হতচকিত হৈ উঠে।
দ্যা ইণ্ডিপেণ্ডেণ্টৰ এটা ৰিপৰ্ট অনুসৰি, ‘দাদাজী’ নামৰ পৰিচিত ৰুছৰ লোকজনক এজন ইউটিউবাৰ দ্বাৰা চেলেঞ্চ কৰোৱলৈ টকা দিয়া হৈছিল।
এই প্ৰত্যাহ্বানক ‘Thrash Stream’বা ‘Trash Stream’ৰ হিচাপত জনা যায়।
বৰ্তমান দিনত ছচিয়েল মিডিয়াত এয়া যথেষ্ট ট্ৰেণ্ডিং হৈ আছে।
এই চেলেঞ্জত কোনো লোকক টকাৰ পৰিৱৰ্তে অপমানজনক কাৰ্য বা ষ্টাণ্ট কৰিবলৈ দিয়া হয়।
ইয়াৰ লাইভ ষ্ট্ৰীম কৰা হয় আৰু ইয়াক বৃহৎ সংখ্যক লোকে অনলাইনত প্ৰত্যক্ষ কৰে।
দ্যা ইণ্ডিপেণ্ডেণ্টৰ এটা ৰিপৰ্ট অনুসৰি, ৰুছৰ লোকজনৰ নাম য়ুৰী দুছোকিন হয় আৰু লোকজনৰ বয়স ৬০ বছৰ।
লোকজনক এজন YouTuberয়ে টকাৰ সলনি সুৰা বা গৰম ছছ খোৱাৰ চেলেঞ্জ দিছিল।
ৰুছৰ মিডিয়া ৰিপৰ্ট অনুসৰি, ১.৫ লিটাৰ সুৰাপান কৰাৰ পিছত লোকজন বাগৰি পৰে আৰু ঘটনাস্থলীতে কৰুণ মৃত্যুক সাৱটি লয়।
লোকজনৰ মৃতদেহটো লাইভ ষ্ট্ৰীমত দেখা পোৱা গৈছিল আৰু দৰ্শকে তেওঁক মৃত্যু হোৱা প্ৰত্যক্ষ কৰিছিল।
ৰুছৰ আৰক্ষী বিষয়াসকলে বিগত সপ্তাহত এই ঘটনাটোৰ তদন্ত আৰম্ভ কৰি দিছিল।
Photo: Google
