মহানগৰীৰ সমীপৱৰ্তী ৰাণীত সংঘটিত হৈছে এক হৃদয়বিদাৰক ঘটনা। বিদ্যুৎস্পৃষ্ট হৈ ৩টাকৈ বনৰীয়া হাতীৰ কৰুণ মৃত্যু। শুকুৰবাৰে সংঘটিত হয় এই ঘটনা। ৰাণী বনাঞ্চলিক কাৰ্যালয়ৰ অন্তৰ্গত ৰাণী চাহ বাগিচাৰ পানীচন্দাত এই ঘটনা সংঘটিত হয়। খাদ্যৰ সন্ধানত ওলাই আহিছিল বনৰীয়া হাতীৰ জাকটো। তাৰপাছতেই এই কৰুণ ঘটনাত মৃত্যু হয় হাতীটোৰ।
ঘটনাস্থলীত উপস্থিত ৰাণী বনাঞ্চলিক কাৰ্যালয়ৰ লোক। উল্লেখ্য় যে,এয়াই প্ৰথম নহয়, ইয়াৰ পূৰ্বেও প্ৰায়েই বিদ্যুৎস্পৃষ্ট হৈ হাতীয়ে মৃত্যুক সাৱতি লয়। তাৰপাছতো বিভাগীয় কৰ্তৃপক্ষই কিয় জীৱ-জন্তুৰ সুৰক্ষাৰ প্ৰতি চিন্তা নকৰে সেয়াহে লক্ষণীয়।
