বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানকোঠত আগন্তক স্বাধীনতা দিৱস উপলক্ষে ১০ দিনীয়া কাৰ্যসূচীৰে এখন অতি প্ৰাচীন পেইন্টিং মেলাৰ আয়োজন কৰা হৈছে। য’ত ২৫০০ বৰ্ষ পুৰণি মধুবনী পেইন্টিং আৰু ১৪০০ বছৰীয়া পুৰণি গ’ণ্ড পেইন্টিং আঁকি থকা দেখুৱা হৈছে। দুজন বাহিৰৰ প্ৰদেশৰ পৰা আমন্ত্ৰিত কৰি অনা অতি প্ৰসিদ্ধ কৌশলীৰ দ্বাৰা এই পেইন্টিং কৰাই থকা হৈছে।
উল্লেখযোগ্য যে মধুবনী পেইন্টিং বিহাৰৰ মিথিলা নামৰ ঠাইৰ এক অতি প্ৰাচীন পেইন্টিং। এই পেইন্টিংসমূহ সম্পূৰ্ণ প্ৰাকৃতিক ৰং, তুলিকা, চলাই কাঠি ইত্যাদিৰে অতি নিখুটভাৱে অঁঙ্কণ কৰা হয়। আনহাতেদি, গণ্ড পেইন্টিং হৈছে মধ্য ভাৰতৰ এক জাতীয় পেইন্টিং। ‘
গণ্ড’ শব্দটো আহিছে ‘কণ্ড’ শব্দটোৰ পৰা যাৰ অৰ্থ হৈছে সেউজ পৰ্বত আৰু তাত বসবাস কৰা লোকসকলক ‘গণ্ডীছ’ যিসকল আজিও মধ্যপ্ৰদেশত বসবাস কৰি আছে। এতিয়া বিমানকোঠৰ আগমন কক্ষৰ বাহিৰত যাত্ৰীসকলে জীৱন্তে এই অংকন মেলা চাব পাৰিব।
