২৪ ঘণ্টাত দেশত ২.৫৮ লাখ কভিডত আক্ৰান্ত, আমিক্ৰণ সংক্ৰমণৰ ঘটনা ৮,২০৯টা লৈ বৃদ্ধি

দেশত দৈনিক বৃহৎ সংখ্যক ক’ৰোনা সংক্ৰমিত হৈছে। সোমবাৰে প্ৰকাশিত তথ্য অনুসৰি, যোৱা ২৪ ঘণ্টাত দেশত ক’ৰোনা সংক্ৰমণৰ ২,৫৮,০৮৯ টা নতুন ঘটনা প্ৰৰিলক্ষিত হৈছে। একে সময়তে, কোভিড ১৯-ৰ ফলত ৩৮৫ জন লোকৰ মৃত্যু হৈছে।
দেশত সংক্ৰমণৰ হাৰ ১৯.৬৫%। সোমবাৰে ভাৰতত ক’ৰোনা ভাইৰাছ সংক্ৰমণৰ সক্ৰিয় ঘটনাৰ সংখ্যা ১৬,৫৬,৩৪১ লৈ বৃদ্ধি পাইছে। সক্ৰিয় ঘটনাবোৰ হৈছে ৪.৪৩ শতাংশ। আৰেগ্যৰ হাৰ ৯৪.২৭ শতাংশ। যোৱা ২৪ ঘণ্টাত, দেশৰ ১,৫১,৭৪০ জন লোক ক’ৰোনাৰ পৰা আৰোগ্য হৈছে। দৈনিক সংক্ৰমণৰ হাৰ ১৯.৬৫ শতাংশ। আনহাতে সাপ্তাহিক সংক্ৰমণৰ হাৰ ১৪.৪১ শতাংশ। ভাৰতত অমিক্ৰণৰ ঘটনা ৮,০০০ অতিক্ৰম কৰিছে।
স্বাস্থ্য মন্ত্ৰালয়ে প্ৰকাশ কৰা তথ্য অনুসৰি, ভাৰতত ক’ৰোনা ভাইৰাছৰ নতুন প্ৰকাৰ অমিক্ৰণৰ মুঠ ঘটনাৰ সংখ্যা ৮,২০৯ লৈ বৃদ্ধি হৈছে। দেওবাৰে ৬.০২ শতাংশ বৃদ্ধি পাইছে। এতিয়ালৈকে আমিক্ৰণ ২৯ খন ৰাজ্যলৈ বিয়পি পৰিছে। মহাৰাষ্ট্ৰত সৰ্বাধিক ১৭৩৮ টা, ৰাজস্থানত১২৭৬ টা, আনহাতে পশ্চিম বংগত ১৬৭২ টা বুলি গম পোৱা গৈছে।