ভাৰতীয় নিৰ্বাচনী আয়োগে জনোৱা অনুসৰি অসমত আজি অনুষ্ঠিত হোৱা ২য় পৰ্যায়ৰ ভোটগ্ৰহণ কাৰ্যসূচীত ৩৯টা সমষ্টিত পুৱা ১১.২০ বজালৈ মুঠ ২২.৮৫ শতাংশ লোকে ভোটদান কৰিছে।
সকলো ভোটকেন্দ্ৰতে কভিড ১৯ ৰ বাবে সজাগতামূলক ব্যৱস্থা গ্ৰহণ কৰিছে।
ৰঙিয়া সমষ্টিৰ পৰা সকলোতকৈ অধিক ভোটদান কৰিছে পুৱা ১১.২০ বজালৈ ৩৫.৫৮ শতাংশ লোকে ভোটদান কৰিছে।
একেসময়তে লামডিংত সকলতকৈ কম ভোটদান অৰ্থাৎ ৮.৬৭ শতাংশ হৈছে।
ৰাজ্যত আজি ভোট গ্ৰহণ অনুষ্ঠিত হোৱা ৩৯ টা সমষ্টিৰ মুঠ প্ৰাৰ্থীৰ সংখ্যা হৈছে ৩৪৫ গৰাকী ।
সৰ্বমুঠ ভোটাৰৰ সংখ্যা হ’ল ৭৩,৪৪,৬৩১ গৰাকী।
ইয়াৰে মহিলা ভোটাৰৰ সংখ্যা ৩৬,০৯,৯৫৬ গৰাকী আৰু পুৰুষ ভোটাৰৰ সংখ্যা ৩৭,৩৪,৫৩৭ গৰাকী লগতে ১৩৫ গৰাকী ৩য় লিঙ্গৰ ভোটাৰ ।
