প্ৰি নিউ য়েৰ চেলিব্ৰেচনত অঘটন, সুৰা বুলি এচিড পান কৰি মৃত্যু ঘটিল ৩ জনৰ

নৱবৰ্ষক আদৰাৰ নামত আনন্দত মতলীয়া হৈছে একাংশ। ত্ৰিপুৰাৰ ধলাই জিলাত বুধবাৰে নিশা সংঘটিত হৈছে এক অঘটন। সুৰা বুলি এচিড পান কৰি মৃত্যুমুখত পৰিল ৩জনকৈ লোক।
কাঞ্চনচাৰা নামৰ অঞ্চলটোত প্ৰী নিউ য়েৰ চেলিব্ৰেচন হিচাপে এটা পাৰ্টিৰ আয়োজন কৰা হৈছিল আৰু তাত দহজন লোকে যোগদান কৰিছিল। নৱবৰ্ষক আদৰাৰ নামত লোককেইজনে প্ৰথমে অতিপাত সুৰা পান কৰে। সুৰাৰ ৰাগীত মতলীয়া হৈ তেওঁলোকে সুৰা আৰু এচিড চিনি নোপোৱা হয় আৰু সুৰা বুলি এচিডকে পান কৰে। নিহত ৩ গৰাকীৰ এজনৰ বয়স ২২ আৰু বাকী দুজনৰ বয়স ৪০ৰ উৰ্ধৰ।
ঘটনা সংঘটিত হোৱাৰ পাছতে আটাইকেইজনকে চিকিৎসালয়ত ভৰ্তি কৰা হৈছিল যদিও চিকিৎসকে মৃত ঘোষণা কৰে। বাকী ৭ জন লোক সংকটজনক অৱস্থাত চিকিৎসাধীন হৈ আছে।