২০২১ চনৰ ৮ ছেপ্টেম্বৰত মুখ্যমন্ত্রী কাৰ্য্যালয়ৰ পৰা দাখিল কৰা এখন এজাহাৰৰ ভিত্তিত আৰক্ষীয়ে ৪ জন অভিযুক্তক গ্ৰেপ্তাৰ কৰে। মূল ঘটনা অনুসৰি উক্ত ৪ অভিযুক্তই মুখ্যমন্ত্ৰীৰ জাল স্বাক্ষৰৰ সৈতে লোহিত কন্সট্রাকশনৰ নামত কাম আৱণ্টন কৰাৰ বাবে জনস্বাস্থ্য কাৰিকৰী বিভাগ (পানী) এখন টোকা দিয়া হৈছিল।
সেই অনুসৰি দিচপুৰ আৰক্ষী থানাত এটা গোচৰ ৰুজু কৰা হৈছিল আৰু আৰক্ষীয়ে তদন্ত চলাই কেইঘণ্টামানৰ ভিতৰতে গুৱাহাটী আৰক্ষী আৰু শিৱসাগৰ আৰক্ষীৰ যৌথ অভিযানত লোহিত কন্সট্রাকশনৰ সৈতে জড়িত ৪জন লোকক গ্ৰেপ্তাৰ কৰে আৰু পুংখানুপুংখভাৱে সোধা-পোছা কৰাত সত্য ফাদিল হয়।
উক্ত ঘটনাৰ সৈতে জড়িত ৪ অভিযুক্ত ক্ৰমেঃ
১. বিনিত পোদ্দাৰ
২. দীপজ্যোতি দত্ত
৩. জয়মিনী মোহন
৪. পংকজ গগৈ
ইপিনে, আৰক্ষীৰ অনুসন্ধানত প্ৰকাশ পাইছিল যে, ইমৰান শ্বাহ চৌধুৰী আৰু ৰাজী কলিতা নামৰ ব্যক্তি দুগৰাকীয়ে এজাহাৰ দাখিল কৰা বিষয়ে অৱগত হোৱাৰ লগে লগে দিল্লীলৈ পলায়ন কৰিছিল।
লগতে, ইমৰান শ্বা চৌধুৰীয়ে আন তিনিজন ব্যক্তিৰ সহায়ত জাল দস্তাবেজখন সৃষ্টি কৰিছিল বুলি আৰক্ষীৰ ওচৰত ভাষ্য প্ৰদান কৰে।
তেওঁলোক ক্ৰমেঃ
১. দিলীপ দাস ওৰফে ৰুবু
২. অনুপম চৌধুৰী
৩. প্ৰকাশ বসুমতাৰী
বৰ্তমান আৰক্ষীয়ে দুই অভিযুক্ত অনুপম চৌধুৰী আৰু প্ৰকাশ বসুমতাৰীৰ অনুসন্ধান অব্যাহত ৰাখিছে বুলি জানিবলৈ দিয়ে।
