বিগ বছ বিজয়ী অভিনেতা সিদ্ধাৰ্থ শুক্লা আৰু নাই। অভিনেতাগৰাকী বৃহস্পতিবাৰে হৃদৰোগত আক্ৰান্ত হৈ মুম্বাইৰ কুপাৰ চিকিৎসালয়ত মৃত্যুক সাৱটি লয়। মৃত্য়ুৰ সময়ত তেওঁৰ বয়স আছিল ৪০ বছৰ।
অভিনেতা সিদ্ধাৰ্থ শুক্লাই নিশা শুবলৈ যোৱাৰ আগতে ঔষধ গ্ৰহণ কৰিছিল, কিন্তু তাৰ পিছত তেওঁ উঠিব পৰা নাছিল। অৱশেষত চিকিৎসকে তেওঁৰ মৃত্য়ু হোৱা বুলি ঘোষণা কৰে।
টেলিভিছন জগতৰ লগত জড়িত সিদ্ধাৰ্থ শুক্লাই, খতৰো কে খিলাড়ীৰ সপ্তম ছিজনৰ উপৰিও ৰিয়েলিটি শ্ব’ বিগ বছৰ ১৩ তম চিজনৰ বিজয়ী আছিল।
