নৌ সেনাৰ নতুন মূৰব্বী হিচাপে এডমিৰেল দীনেশ ত্রিপাঠীৰ নাম ঘোষনা কৰা হৈছে। দীৰ্ঘদিন ধৰি নৌ সেনাৰ সহঃ মূৰব্বীৰ দায়িত্বত আছিল ত্রিপাঠী। প্রায় ৪০টা বছৰ ধৰি নৌ – সেনাৰ বিভিন্ন পদত সেৱা আগবঢ়াই আহিছে বিষয়াগৰাকী। আগন্তক ৩০ এপ্রিলৰ পৰা নৌ সেনাৰ মূৰব্বীৰ দায়িত্ব গ্রহণ কৰিব ত্রিপাঠীয়ে। ১৯৬৪ চনৰ ১৫ মেত জন্ম হৈছিল এডমিৰেল দীনেশ ত্রিপাঠীৰ। ১৯৮৫ চনৰ ১ জুলাইত তেওঁ ভাৰতীয় নৌ সেনাত যোগ দিয়ে। বিগত ৩৯ বছৰ ধৰি তেওঁ নৌ সেনাতেই কৰ্মৰত ৰেৱাৰ সৈনিক স্কুলৰ ছাত্র দীনেশ ত্রিপাঠীয়ে পৰৱৰ্তী সময়ত ভৰ্তি হৈছিল নেচনেল ডিফেন্স একাডেমীত। ৱেলিংটনৰ ডিফেন্স ছাৰ্ভিচেছ চ্টাফ কলেজৰ পৰা তেওঁ এডভান্স কৰ্চ সম্পূৰ্ণ কৰিছিল। আমেৰিকাৰ নাভাল কলেজৰ পৰাও পাঠ্যক্ৰম সম্পূৰ্ণ কৰিছিল ত্রিপাঠীয়ে।
