শেহতীয়াকৈ অসম আৰক্ষীৰ শীৰ্ষ মহলত ব্যাপক ৰদ-বদল কৰা হৈছে। AIG (SPORTS)ৰূপে নিযুক্তি প্ৰদান কৰা হৈছে IPS আনন্দ মিশ্ৰক। নতুনকৈ সৃষ্টি কৰা হৈছিল সহকাৰী মহাপৰিদৰ্শক পদবী। ক্ৰীড়াৰ ক্ষেত্ৰত বিশেষ দায়িত্বত থাকিব AIG(SPORTS)।
উল্লেখ্য যে, নগাঁৱৰ পৰা বদলি হৈ অহাৰ পিছৰে পৰা অসম আৰক্ষীৰ মুখ্য কাৰ্যালয়ত আছিল আনন্দ মিশ্ৰ।
অৱশেষত মিশ্ৰক সহকাৰী মহাপৰিদৰ্শক (ক্ৰীড়া)ত নিযুক্তি দিয়া হয়। আনহাতে, ডেইজী গগৈক শিৱসাগৰৰ উপ আৰক্ষী অধীক্ষক হিচাপে নিযুক্তি দিয়াৰ লগতে প্ৰণৱ দাসক কাজিৰঙাৰ এছ টি এফত উপ আৰক্ষী অধীক্ষক হিচাপে নিযুক্তি প্ৰদান কৰা হয়। ঘনশ্যাম ভাইক দশম আৰক্ষী বাহিনীৰ সহকাৰী কামাণ্ডেন্ট হিচাপে নিযুক্তি দিয়া হৈছে বুলি জানিব পৰা গৈছে।
