ৰাজ্যত দিনক দিনে বৃদ্ধি হ’বলৈ ধৰিছে ক’ৰোনা আক্ৰান্ত লোকৰ সংখ্যা। এই পৰিপ্ৰেক্ষিতত বিগত মাহৰ ২৭ মাৰ্চৰ পৰা ১ মে’লৈ বলবৎ কৰা হৈছিল সান্ধ্য আইন।
পিছত পুনৰ ১ মে’ৰ পৰা ৭ মে’লৈ বৃদ্ধি কৰা হৈছিল সান্ধ্য আইনৰ সময়সীমা।
প্ৰথম পৰ্যায়ত সান্ধ্য আইন নিশা ৮ বজাৰ পৰা বলবৎ কৰা হৈছিল।
এতিয়া পুনৰ ২ ঘণ্টা আগবঢ়াই দিলে প্ৰশাসনে। অৰ্থাৎ কাইলৈৰ পৰা ৬ বজাৰ পৰা বলবৎ হ’ব সান্ধ্য আইন।
ইফালে নিশা ৮ বজাৰ সান্ধ্য আইন বলবৎ হোৱাৰ পূৰ্বে দোকান-পোহাৰসমূহ ৬ বজাতে বন্ধ কৰাৰ নিৰ্দেশনা প্ৰদান কৰিছিল।
কিন্তু বুধবাৰৰ পৰা সান্ধ্য আইন ৬ বজাত বলবৎ হ’লে দুপৰীয়া ২ বজাতে বন্ধ কৰিব লাগিব দোকান-পোহাৰসমূহ।
নিৰ্দেশনাসমূহ-
১. যিকোনো সভা অনুষ্ঠিত কৰা আৰু জন-সমাগমত নিষেধাজ্ঞা প্ৰদান কৰা হৈছে।
২. ২০জনতকৈ অধিক লোক বিবাহ অনুষ্ঠানত অংশগ্ৰহণ কৰিব নোৱাৰিব।
৩. ধৰ্মীয় স্থানসমূহত ৫জনতকৈ অধিক লোক প্ৰৱেশত নিষেধাজ্ঞা প্ৰদান।
৪. সকলো দোকান-পোহাৰ তথা ব্যৱসায়িক প্ৰতিষ্ঠানসমূহ দিনৰ ২ বজাতে বন্ধ কৰিবা লাগিব।
৫. ৰেষ্টুৰেণ্ট, ধাবাসমূহো ২ বজাতে বন্ধ কৰিব লাগিব, যদিও Take Way আৰু হোম ডেলিভাৰী সন্ধিয়া ৬ বজালৈ খোলাৰ নিৰ্দেশনা।
৬. হোটেলসমূহত দুপৰীয়া ২ বজালৈ হে অতিথিক প্ৰৱেশ কৰিব দিব পাৰিব।
৭. জৰুৰী সাম-সামগ্ৰী অনা-নিয়া কৰা বাহনসমূহে ক’ভিড প্ৰট’কল মানি চলিব লাগিব।
৮. ফাৰ্মাচী, হাস্পতাল, ভেটেনাৰী খোলা ৰখাৰ ক্ষেত্ৰত কোনো নিৰ্দেশনা প্ৰদান কৰা হোৱা নাই।
৯. ব্যক্তিগত তথা চৰকাৰী কাৰ্যালয়সমূহ দিনৰ ২ বজাতে বন্ধ কৰাৰ নিৰ্দেশনা।
১০. কেৱল উচ্চ বিষয়াসহ ৫০ শতাংশ কৰ্মচাৰীয়ে কাৰ্যালয়ত থাকিব পাৰিব।
১১. LPG, পেট্ৰল পাম্পৰে জড়িত লোকসকলৰ ক্ষেত্ৰত বাধা নাই।
১২. কেবল, ইণ্টাৰনেট, শক্তি আৰু দূৰসংযোগ বিভাগৰ লোকৰ ক্ষেত্ৰত বাধা নাই।
১৩. স্বাস্থ্য কৰ্মী, মেডিকেল আৰু গৰ্ভৱতী মহিলা বা ৰোগীৰ বাবে নাই কোনো বাধা।
১৪. আইনী সেৱাৰে জড়িত লোকসকলে পৰিচয় পত্ৰৰ সৈতে যাত্ৰা কৰিব পাৰিব।
১৫. বৈধ টিকটসহ বিমান বন্দৰ বা ৰে’ল ষ্টেচন, ISBTৰ পৰা যাত্ৰা কৰিব পাৰিব।
১৬. কল্ড ষ্টৰেজ, ৱেৰহাউছ, ব্যক্তিগত ছিকিউৰিটী সেৱাৰ কৰ্মীসকলকো ৰেহাই।
১৭. অত্যাৱশ্যকীয় সামগ্ৰীৰ নিৰ্মাণ খণ্ডত জড়িত লোকসকলেও যাত্ৰা কৰিব পাৰিব।
১৮. সংবাদ মাধ্যমৰে জড়িত লোকসকলেও লগত ৰাখিব লাগিব পৰিচয় পত্ৰ।
Photo: Google