যোৱা নিশা শিৱসাগৰ আৰক্ষীয়ে নিজ গৃহৰ পৰা আটক কৰি নিয়া ছাত্ৰ মুক্তি সংগ্ৰাম সমিতিৰ কাৰ্যকৰী সভাপতি মানস কোঁৱৰক আজি পুৱাৰ ভাগত মুকলি কৰি দিয়ে।
তেওঁৰ লগতে আৰক্ষীয়ে মুকলি কৰি দিয়ে বীৰ লাচিত সেনাৰ নেতা চিটু বৰুৱা, ৰাইজৰ দলৰ নেতা পদ্মকান্ত দলেকো।অৱশ্যে আৰক্ষীয়ে কাৰ নিৰ্দেশত আৰু কিয় এইসকল নেতাক মাজনিশা ঘৰৰ পৰা আটক কৰি নিছিল সেয়া স্পষ্ট কৰা নাই।আৰক্ষীৰ এনে কাৰ্যই ইতিমধ্যেই ৰাজ্যজুৰি তীব্ৰ প্ৰতিক্ৰিয়াৰ সৃষ্টি কৰিছিল।
