তিনিচুকীয়াৰ জাগুনত গ্রেনেড বিস্ফোৰণ। বিস্ফোৰণত নিহত এটি কিশোৰ।
জাগুনৰ কথা কাঠনিত নৈ ঘাটত সংঘটিত হৈছে এই ঘটনা।
বিস্ফোৰণৰ পিছতে গুৰুতৰভাৱে আহত হৈছিল জাগুন হাজং গাঁৱৰ সুৰজ হাজং (১২) নামৰ এটি কিশোৰ।
পিছত সংকটজনক অৱস্থাত মাৰ্ঘেৰিটাৰ অসামৰিক চিকিৎসালয়ত ভৰ্তি কৰোৱা হৈছিল।
কিন্তু পিছত চিকিৎসকে কিশোৰটিৰ মৃত্যু হোৱা বুলি ঘোষণা কৰে।
জানিবলৈ দিয়া অনুসৰি ৩টা কিশোৰ পুৱা ৮.৩০ বজাত নৈ ঘাটত গা ধুবলৈ যাওতে এই দুৰ্ঘটনাটো সংঘটিত হয়।
বালিত পৰি থকা গ্ৰেনেড বুলি সন্দেহ কৰা কোনো বিস্ফোৰক পদাৰ্থত ভৰিৰ স্পৰ্শ হোৱাত বিস্ফোৰিত হৈ এই ঘটনাটো সংঘটিত হয়।
Photo: Headline8
