ইণ্ডোৰত সংঘটিত হোৱা ভয়ংকৰ পথ দুৰ্ঘটনাটো পোহৰলৈ অহাৰ পিছতে সমগ্ৰ ৰাজ্যখনতে শোকাকুল পৰিৱেশৰ সৃষ্টি হৈছে।
দুৰ্ঘটনাটোত পৃথক-পৃথক ৬ পৰিয়ালৰ সন্তানে কৰুণ মৃত্যুক সাৱটিলে।
এই দুৰ্ঘটনাটোৰ CCTVৰ দৃশ্য পোহৰলৈ আহিছে।
য’ত দেখুওৱা হৈছে কেনেদৰে মাত্ৰ ২ ছেকেণ্ডৰ দায়িত্বজ্ঞানহীনতাই কাঢ়িলে ৬জন ছাত্ৰৰ প্ৰাণ।
উল্লেখ্য মাজনিশা ইণ্ডোৰৰ লছুৰিয়া থানা ক্ষেত্ৰৰ তলাবলী চান্দাত দ্ৰুতবেগী ছুইফট গাড়ী হঠাতে দ্ৰুতগতিত আহি তেলৰ টেংকাৰত সোমাই যায় আৰু গাড়ীখন চূৰ্ণ-বিচূৰ্ণ হৈ যায়।
এই দুৰ্ঘটনাটোত ৬জন যুৱ ছাত্ৰই প্ৰাণ হেৰুৱালে।
এই ঘটনাটোৰ CCTV ফুটেজো পোহৰলৈ আহিছে।
মঙলবাৰে মাজনিশা প্ৰায় ১ বাজি ৮ মিনিটত দেৱাছৰ পৰা ইণ্ডোৰৰ নিজৰ ঘৰলৈ উভতি অহা ছাত্ৰকেইজনৰ গাড়ীয়ে হঠাতে টেংকাৰত গৈ খুন্দা মাৰে।
এই দুৰ্ঘটনাটো মাত্ৰ ২ ছেকেণ্ডতে সংঘটিত হয়।
আৰক্ষীয়ে টেংকাৰ চালকজনৰ দায়িত্বজ্ঞানহীনতাক লৈ তদন্ত আৰম্ভ কৰি দিছে।
এই ঘটনাটোৰ পিছত ৪জনে ঘটনাস্থলীতে মৃত্যুক সাৱটে আৰু ২জনক আহত অৱস্থাত হাস্পতাললৈ লৈ যোৱা হৈছিল যদিও তাতেই দুয়োজনে মৃত্যুক সাৱটি লয়।
মৃত ছাত্ৰ কেইজনৰ নাম ক্ৰমে হৃষি, সুৰজ,চন্দ্ৰভান ৰঘুবংশী, ছনু জাট, সুমিত আৰু গোলু।
Photo: Aaj Tak
