নৱবৰ্ষ উদযাপনৰ নামত যাতে কোনো ধৰণৰ পথ দুৰ্ঘটনা সংঘটিত নহয় সেই উদ্দেশ্য আগত ৰাখি আজি জিলা উপায়ুক্তৰ কাৰ্যালয়ৰ সভাকক্ষত জিলা পৰিবহণ বিভাগ আৰু জিলা আৱকাৰী বিভাগৰ বিষয়াসকলৰ উপস্থিতিত এখন সভা অনুষ্ঠিত হয়। এই সভাতেই অতিৰিক্ত উপায়ুক্ত বিপুল কুমাৰ দাসে জনায় যে, অহা ৩১ ডিচেম্বৰ আৰু ১ জানুৱাৰীত প্ৰশাসনৰ প্ৰায় সকলো বিষয়া জিলাখনৰ নিৰীক্ষণ কাৰ্যত নিয়োজিত থাকিব।
যান- বাহন আইন উলংঘনকাৰী, বিশেষকৈ মদ্যপান কৰি যাতে কোনো চালকে বাহন চলাব নোৱাৰে তাৰবাবে বিশেষ পদক্ষেপ লোৱাৰ সিদ্ধান্ত গ্ৰহণ কৰা হয় সভাখনত।
তদুপৰি একোজনকৈ অতিৰিক্ত উপায়ুক্তৰ নেতৃত্বত মহানগৰৰ বিভিন্ন প্ৰান্তত নিৰীক্ষণকাৰী দল গঠন কৰি দিয়া হ’ব।
অ’লা, উবেৰ চালকৰ লগতে বনভোজ দলৰ গাড়ী চালক সকলকৰ প্ৰতিও বিশেষ নজৰ দিয়া হ’ব বুলি অতিৰিক্ত উপায়ুক্ত ধ্ৰুৱজ্যোতি হাজৰিকাই জনোৱাৰ লগতে নিৰীক্ষণকাৰী দলসমূহক নিজৰ দায়িত্ব সূচাৰুৰূপে পালন কৰিবলৈও আহ্বান জনায়।