ৰাজ্যত আজি অনুষ্ঠিত হৈছে ৩য় তথা অন্তিম পৰ্যায়ৰ ভোটদান কাৰ্য্যসূচী।
১২ খন জিলাৰ মুঠ ৪০টা সমষ্টিত অনুষ্ঠিত হৈছে ভোটগ্ৰহণ।
ভোটগ্ৰহণৰ মাজতে বঙাইগাঁও বিধানসভা সমষ্টিত সংঘটিত হৈছে তীব্র উত্তেজনা ভোটাৰ আৰু নিৰাপত্তাৰক্ষীৰ মাজত হঠাতে সৃষ্টি হয় প্ৰচণ্ড মাৰপিটৰ।
এই ঘটনা সংঘটিত হৈছে বঙাইগাঁও বিধান সভা সমষ্টিৰ অন্তৰ্গত ৬১৯ নম্বৰ পশ্চিম ভাদ্ৰাগাঁও এল পি স্কুলৰ ভোটকেন্দ্ৰত।
নিৰাপত্তা বাহিনীৰ দলে ভোটাৰক লাঠীৰে প্ৰহাৰ কৰাৰ ফলত সৃষ্টি হৈছে এই উত্তেজনাৰ।
ঘটনাটোত আহত হৈছে কেইবাগৰাকীও ভোটাৰ।
মাৰপিটৰ পিছতে ভোটকেন্দ্ৰটোত বন্ধ কৰি দিয়া হয় ভোটগ্ৰহণ প্ৰক্ৰিয়া।
