পূৰ্বৰ ঐতিহ্য ম্লান কৰি পুনৰ চৰ্চালৈ আহিছে কটন বিশ্ববিদ্যালয়।
সুৰাৰ ৰাগীত মাতাল হৈ সৰস্বতী পূজাৰ নিশা একাংশ কটনিয়ানৰ গুণ্ডাগিৰি গুৱাহাটীৰ ৰাজপথত ।
হাতে হাতে ৰড, লাঠি, বাঁহ লৈ ব্যৱসায়ীক প্ৰহাৰ কটনিয়ানৰ ।
কটন বিশ্ববিদ্যালয়ৰ সন্মুখৰ ‘Delhi 6 BBQ’নামৰ এখন ৰেষ্টুৰেণ্ট ভাঙি চূৰমাৰ কৰে কেইজনমান কটনৰ ছাত্ৰই।
কটনৰ সন্মুখতে থকা এখন ৰেষ্টুৰেণ্টত খাবলৈ পানী বিচাৰিছিল এজন সুৰামত্ত ছাত্ৰই।
কিন্তু খাবলৈ পানী নিদিলে যাৰ বাবে উদণ্ড ছাত্ৰৰ দলটোৱে আক্ৰমণ চলোৱাৰ অভিযোগ উত্থাপন হৈছে।
এই আক্ৰমণত গুৰুতৰভাৱে আহত হয় ৰেষ্টুৰেণ্টখনৰ মালিক সমীৰ আহমেদ।
লগতে হাতে হাতে ৰড, লাঠি লৈ ফুটপাথত থকা কেবাখনো ৰেষ্টোৰা ভাঙি লণ্ড ভণ্ড কৰে।
উদণ্ড কটনৰ ছাত্ৰকেইজন সীতাৰাম ব্ৰহ্ম চৌধুৰী ছাত্ৰাবাসৰ বুলি চিনাক্ত কৰা হৈছে।
ঘটনা সন্দৰ্ভত এজন ছাত্ৰক পানবজাৰ আৰক্ষীয়ে আটক কৰে। এই ঘটনাৰ লগত জড়িত আন এজন ছাত্ৰক বিচাৰি আৰক্ষীৰ অভিযান অব্যাহত।
Photo: Headline8
