শুৱালকুছিৰ ৰাজপথত এটি মৃতদেহ উদ্ধাৰ। মৃতদেহটো উদ্ধাৰ হোৱা পিছতেই স্থানীয় লোকে ৰিক্সাচালক দুৰ্গা শইকীয়া বুলি চিনাক্ত কৰে।
শুৱালকুছিত দীৰ্ঘদিন ধৰি পৰিয়ালসহ ভাড়াতীয়া হিচাপে বাস কৰি অহা লোকজনে কালি পৰিয়ালৰ লোকে নিশাৰ আহাৰ গ্ৰহণৰ পিছতে ঘৰৰ পৰাই ওলাই আহে যদিও নিশা ঘৰলৈ ঘূৰি যোৱা নাছিল।
আজি দিনৰ ভাগত দুৰ্গা শইকীয়াৰ মৃতদেহটো এখন ৰিক্সাত ওলমি থকা অৱস্থাত উদ্ধাৰ হয়। পৰিয়াল লোকে নিশা কোনো দুৰ্বৃত্তই হত্যা কৰি ৰিক্সাৰ ওপৰতে এনেদৰে পেলাই থৈ যোৱাৰ সন্দেহ প্ৰকাশ কৰে।
আৰক্ষীয়ে ঘটনাস্থলীত উপস্থিত হৈ তদন্ত আৰম্ভ কৰিছে।
