জালুকবাৰীৰ বকুলনগৰৰ শান্তিপথ নিবাসী, সামাজিকভাৱে সক্ৰিয়, ধৰ্মপৰায়ণ আৰু জনপ্ৰিয় বাসিন্দা স্বৰ্ণলতা কলিতাৰ যোৱা ১৮ অক্টোবৰ, শুকুৰবাৰে পৰলোকপ্ৰাপ্তি ঘটে। মৃত্যুৰ সময়ত তেওঁৰ বয়স আছিল ৭৯ বছৰ। ১৯৪৪ চনত গুৱাহাটীৰ আজাৰা অঞ্চলত জন্মগ্ৰহণ কৰা তেওঁ স্বৰ্গীয় সাধু চৰণ কলিতাৰ পত্নী আছিল।
মালিগাঁও শংকৰদেৱ বিদ্যালয়ৰ অৱসৰপ্ৰাপ্ত প্ৰধান শিক্ষয়িত্ৰী আৰু এগৰাকী সৰবৰহী মহিলা, মৃত্যুৰ সময়ত তেওঁ দুজন পুত্ৰ, দুগৰাকী কন্যা, তিনিগৰাকী নাতি-নাতিনী, দুজন জোঁৱাই আৰু বহুতো আত্মীয়-স্বজনক এৰি থৈ যায়। এগৰাকী আদৰ্শবান মহিলা আৰু মৰমীয়াল মাতৃ, তেওঁৰ মূল্যবোধ আৰু নীতিসমূহৰ বাবে চৌপাশৰ সকলোৱে তেওঁক প্ৰশংসা কৰিছিল। তেওঁ বিভিন্ন সভা, সমিতি আৰু অনুষ্ঠান প্ৰতিষ্ঠানৰ লগতো জড়িত আছিল। সকলোৰে বাবে তেওঁ হৈ পৰিছিল প্ৰেৰণাৰ উৎস। জীৱনত বহু কষ্টৰ সন্মুখীন হোৱাৰ পিছতো তেওঁৰ আদৰ্শ আৰু নীতিৰ পৰা কেতিয়াও দোদুল্যমান হোৱা নাছিল, আৰু নিজৰ সন্তানক মূল্যবোধৰ সৈতে ডাঙৰ-দীঘল কৰিছিল। অঞ্চলটোৰ এগৰাকী অতি অমায়িক, যত্নশীল স্বভাৱৰ এই ধৰ্মপ্ৰাণ মহিলাগৰাকীৰ মৃত্যুত সমগ্ৰ অঞ্চলটোতে শোকৰ ছাঁ পৰিছে।
