২০১৯ চনৰ টেট উত্তীৰ্ণ প্ৰাথীসকলে চলিত বৰ্ষৰ ভিতৰতেই লাভ কৰিব নিযুক্তি।আজি আমগুৰিত উপস্থিত হৈ শিক্ষামন্ত্ৰী ডাঃ ৰণোজ পেগুৱে এই গুৰুত্বপূৰ্ণ মন্তব্য আগবঢ়ায়।আনহাতে চি-টেট উত্তীৰ্ণ প্ৰাথীসকলৰ ক্ষেত্ৰত কোনো সিদ্ধান্ত গ্ৰহণ কৰা হোৱা নাই বুলিও জনায় শিক্ষামন্ত্ৰী গৰাকীয়ে।
উল্লেখযোগ্য যে,শিক্ষামন্ত্ৰী ডাঃ ৰণোজ পেগুৱে আজি আমগুৰিৰ কেইবাটাও ক’ভিড টিকাকৰণ কেন্দ্ৰ পৰিদৰ্শন কৰে। চাহ বাগিচা সমূহত ক’ভিডৰ দ্ৰুত সম্প্ৰসাৰণ ঘটাৰ শংকাৰ পৰিপ্ৰেক্ষিতত তেওঁ বৰবাম চাহ বাগিচা,আমগুৰি চাহ বাগিচা, বৰছিলা চাহ বাগিচা আদিৰ ক’ভিড পৰিস্থিতি নিজাববীয়াকৈ পৰ্যালোচনা কৰে।
