অসম বিধানসভা নিৰ্বাচনৰ এইপৰ্যন্ত কোনো দিন ঘোষণা হোৱা নাই কিন্তু ছচিয়েল মিডিয়াত নিৰ্বাচনৰ ভুল তাৰিখ ইতিমধ্যে ভাইৰেল হ’বলৈ ধৰিছে।
কেৱল অসমে নহয় পশ্চিমবংগ, তামিলনাডু, পণ্ডিচেৰী আৰু কেৰালাতো নিৰ্বাচনৰ ভুৱা তাৰিখ ভাইৰেল হৈ পৰিছে।
Headline8য়ে এই পোষ্টটোৰ তদন্ত কৰে।
তদন্তৰ পিছত জানিব পাৰিলো যে পোষ্টটো সম্পূৰ্ণৰূপে ভুৱা।
উল্লেখযোগ্য কথাটো হ’ল যে এইপৰ্যন্ত নিৰ্বাচন আয়োগে আগন্তুক বিধানসভা নিৰ্বাচনৰ বাবে কোনো তাৰিখ ঘোষণা কৰা নায়।
ভাইৰেল পোষ্টটোত আছিল
বিকাশ বৰুৱা নামৰ এজন ফেচবুক ইউজাৰে ১ ফেব্ৰুৱাৰীত এটা পোষ্ট আপলোড কৰি লিখিছিল যে অসম বিধানসভা নিৰ্বাচনৰ বাবে তাৰিখ ঘোষণা কৰা হৈছে।
পোষ্টটোত অসমৰ উপৰিও পশ্চিমবংগ, তামিলনাডু, কেৰেলা আৰু পণ্ডিচেৰীৰ বিধানসভা নিৰ্বাচনৰ ভুৱা তাৰিখো উল্লেখ কৰিছিল।
Headline8য়ে প্ৰথমে গুগল চাৰ্ছৰ কৰি অনুসন্ধান আৰম্ভ কৰিছিল।
এই কথাটো জানিবলৈ বিচাৰিছিল যে নিৰ্বাচন আয়োগে অসম আৰু অন্যান্য ৰাজ্যসমূহৰ বিধানসভা নিৰ্বাচনৰ বাবে তাৰিখ ঘোষণা কৰিছে নেকি?
গুগল চাৰ্ছ কৰি ইয়াৰ বিষয়ে কোনো খবৰ বিচাৰি নাপালো।
কেৱল Headline8য়ে নহয় ইতিমধ্যে সকলোৱেই এই ভাইৰেল পোষ্ট আৰু তাৰিখক ভুৱা বুলি উল্লেখ কৰিছে। ফেচবুকত ভুৱা পোষ্ট দিয়া এই বিকাশ বৰুৱা নামৰ লোকজন অসমৰ নিবাসী। সম্প্ৰতি গোৱাত বসবাস কৰে।
Photo: Facebook
