বিহাৰৰ কিষাণগঞ্জত এক শোকাৱহ ঘটনা সংঘটিত হয়।
এটা পৰিয়ালৰে ৫জন লোক অগ্নিদগ্ধ হৈ প্ৰাণ হেৰুৱালে।
দৰাচলতে সোমবাৰে পুৱা ছলাম কলনীৰ এটা ঘৰত চিলিণ্ডাৰ বিস্ফোৰণ হোৱাৰ ফলত ঘৰটোত লাগে জুই।
এই জুইতে অগ্নিদগ্ধ হয় একেটা পৰিয়ালৰে ৫জন লোক আৰু কৰুণ মৃত্যুক সাৱটি লয়।
উল্লেখযোগ্য যে, যেতিয়ালৈ ওচৰ-চুবুৰীয়াৰ লোক তাত উপস্থিত হয় তেতিয়ালৈ জুইৰ লেলিহান শিখাই ঘৰটোক আৱৰি ধৰে।
জুই লগাৰ ফলত একেটা পৰিয়ালৰে ৪টা শিশু আৰু পৰিয়ালৰ প্ৰধান জীৱন্ত অৱস্থাত অগ্নিদগ্ধ হয়।
ইফালে ঘৰৰ প্ৰধানৰ পত্নী গুৰুতৰভাৱে আহত হয়। বৰ্তমান হাস্পতালত চিকিৎসাধীন মহিলাগৰাকী।
Photo: Google
