প্ৰাক্তন বিধায়কৰ হাতীয়ে মাৰি ফুৰিছে মানুহ

পূৰ্বতে দুজনকৈ লোকৰ প্ৰাণ লোৱা বোকাখাতৰ প্ৰাক্তন বিধায়ক জিতেন গগৈৰ পোহনীয়া হাতীৰ আক্ৰমণত পুনৰাই প্ৰাণ গ’ল এজন কিশোৰৰ। বোকাখাতৰ নাহৰজান চাহ বাগিচাত বৃহস্পতিবাৰে সংঘটিত হয় এই শোকাবহ ঘটনা৷খবৰ অনুসৰি, বাগানলৈ যোৱা বিটু গড় নামৰ কিশোৰজনক পোৱালী থকা হাতীজনীয়ে আক্ৰমণ কৰি হত্যা কৰে৷
ঘটনাৰ পিছতেই স্থানীয় লোকে জিতেন গগৈৰ গ্ৰেপ্তাৰৰ দাবীত পৰিস্থিতি উত্তাল কৰি তোলে।পিছত বিক্ষোভ স্থলীত উপস্থিত হৈ বোকাখাতৰ মহকুমাধিপতিয়ে উচিত তদন্তৰ আশ্বাস প্ৰদান কৰাতহে উত্তেজনাময় পৰিস্থিতি শাম কাটে।