অসম জাতীয় পৰিষদৰ হাজো সমষ্টিৰ প্ৰাৰ্থী দুলু আহমেদেৰ এক উল্লেখনীয় পদক্ষেপ ৷
দুলু আহমেদে সমষ্টিটোত নিজৰ স্থিতি সবল কৰাত অৰ্থে শুকুৰবাৰে তীৰ্থনগৰী হাজোৰ পোৱামক্কা দৰগাহ শ্বৰীফ আৰু হয়গ্ৰীৱ মাধৱ মন্দিৰৰ তীৰ্থযাত্ৰীৰ লগতে ৰাইজৰ সুবিধাৰ্থে এক বিশেষ এম্বুলেন্স সেৱা মুকলি কৰে।
উল্লেখ্য, দুলু আহমেদৰ ব্যক্তিগত প্ৰচেষ্টাৰে সমষ্টিবাসীৰ সুবিধাৰ্থে এই এম্বুলেন্স সেৱাৰ আনুষ্ঠানিক মুকলি কৰে পঞ্চতীৰ্থ পৰিচালনা সমিতিৰ দলৈ শিৱ প্ৰসাদ শৰ্মা আৰু পোৱামক্কা দৰগাহৰ খাদীম তৌফিক হুছেইনে ।
অসম জাতীয় পৰিষদৰ উপ-সভাপতি দুলু আহমেদৰ এই ব্যক্তিগত প্ৰচেষ্টাৰ শলাগ লৈ দলৈ শিৱ প্ৰসাদ শৰ্মাই কয় যে হাজোৰ তীৰ্থ ক্ষেত্ৰলৈ অহা দেশ-বিদেশৰ তীৰ্থ যাত্ৰীসকলৰ আকস্মিক দুৰ্ঘটনাৰ সময়ত চিকিৎসালয়লৈ নিয়াৰ ক্ষেত্ৰত এম্বুলেন্স সেৱাৰ অভাৱ অনুভৱ হৈ আহিছিল।
কিন্তু এতিয়া দুলু আহমেদে ব্যক্তিগত প্ৰচেষ্টাৰে এম্বুলেন্স সেৱা মুকলি কৰি এই অভাৱ দূৰ কৰিছে।
