কদমতলত ১৯ সংখ্যক বড়োলেণ্ডে যিটো উদযাপন কৰিলো সেইটো সফল বুলি ক’ব পাৰো।
মুঠতে সেই চুক্তিৰ সময়ত যিমান দল-সংগঠনে আমাক সমৰ্থন কৰিছিলে সেই সংগঠনসমূহক আজি মাতিছো।
‘আমি চৰকাৰ গঠন নকৰিলে কোনে কৰিব?’- বিধানসভা নিৰ্বাচনত চৰকাৰ গঠন হ’ব বুলি হুংকাৰ প্ৰদান কৰা সন্দৰ্ভত সাংবাদিকে সোধা প্ৰশ্নৰ উত্তৰত এই মন্তব্য প্ৰদান কৰিলে হাগ্ৰামা মহিলাৰীৰ।
‘প্ৰমোদ বড়োৱে চৰকাৰ চলোৱা নাই, হিমন্ত বিশ্ব শৰ্মাইহে চৰকাৰ চলাই আছে, প্ৰমোদ বড়ো নামতহে প্ৰধান, চৰকাৰ চলাই আছে হিমন্তই।’- এই তীৰ্যক মন্তব্য প্ৰদান কৰে হাগ্ৰামা মহিলাৰীয়ে।
‘BTCত একো কাম নাই প্ৰমোদ বড়োৰ।
খাৰিগাঁৱত যোৱাৰ সময়ত এবাৰ, অহাৰ সময়ত এবাৰ কমলা কিনি ৰাস্তাৰ মানুহক কমলা বিতৰণ,
সেইটোৱে তাৰ কাম।’- সাংবাদিকে প্ৰমোদ বড়োয়ে কি কৰে বুলি সোধা প্ৰশ্নৰ উত্তৰত বড়োক উদ্দেশ্যি এই হাস্যকৰ মন্তব্য প্ৰদান কৰে মহিলাৰীয়ে।
বিজেপিয়ে যি দৰে সকলো সভাই সমিটিয়ে ভাৰত মাতা কি জয় ধ্বনি দিয়ে তেনেদৰে কিন্তু আমি বড়োলেণ্ড মাতা কি জয় দিম এই মন্তব্য হাগ্ৰামা মহিলাৰীৰ।
বাক্সাৰ বৰমাৰ কদমতলত অনুষ্ঠিত হোৱা এক সভাত এইদৰে মন্তব্য আগবঢ়াই হাগ্ৰামা মহিলাৰীয়ে।
মন্ত্ৰী হিমন্তও বিটিআৰৰ বিষয়ে ভালদৰে নাজানে সেয়ে কামো ভালদৰে হোৱা নাই।
অহা নিৰ্বাচনত বিপিএফক বাদ দি কোনো এটা দলেই চৰকাৰ গঠন কৰিব নোৱাৰে বুলি কোৱাৰ ওপৰত সাংবাদিকে প্ৰশ্ন কৰাত পুনৰ কয় যে, বিপিএফক বাদ দি সম্ভৱেই নহয়।
Photo: Headline8