অপেক্ষাৰ অন্ত পৰিল। উত্তৰ-পূৱৰ অন্যতম শক্তিশালী ৰাজনীতিবিদ হিমন্ত বিশ্ব শৰ্মা অসমৰ নতুন মুখ্যমন্ত্ৰী হিচাপে নিৰ্বাচিত। সোমবাৰে শপত গ্ৰহণ কৰিব নতুন মুখ্যমন্ত্ৰী ৰূপে।
বিজেপিৰ বিধায়িনী দলৰ বৈঠকত হিমন্ত বিশ্ব শৰ্মাক নিৰ্বাচিত কৰা হয় নতুন মুখ্যমন্ত্ৰী হিচাপে।
বিধানসভা নিৰ্বাচনৰ ফলাফল ঘোষণাৰ ৭ টা দিন পিছত আজি অসমে লাভ কৰিলে অসমবাসীৰ ১৫ সংখ্যক মুখ্যমন্ত্ৰী।
উল্লেখযোগ্য যে নিৰ্বাচনী ফলাফল ঘোষণাৰ ৭ দিন পিছত অৱশেষত চূড়ান্ত সিদ্ধান্তত উপনীত হয় বিজেপি নেতৃত্ব।
ক’ভিড পৰিস্থিতিৰ মাজত চৰকাৰ গঠনক লৈ হোৱা বিলম্বক লৈ বিজেপিক তীব্ৰ সমালোচনা কৰিছিল বিৰোধীয়ে।
নৱনিৰ্বাচিত মুখ্যমন্ত্ৰী হিমন্ত বিশ্ব শৰ্মাক শুভেচ্ছা জনাইছে বিদায়ী মুখ্যমন্ত্ৰী সৰ্বানন্দ সোনোৱাল, ৰাজ্যিক সভাপতি ৰণজিৎ দাস, কেন্দ্ৰীয় মন্ত্ৰী নৰেন্দ্ৰ সিংহ তোমৰে।
এতিয়া মন্ত্ৰীত্বৰ আন আন ভাগ বোৰ কোন কোন বিধায়কৰ দায়িত্বত দিয়া হয় সেয়া হে লক্ষণীয় হ’ব।
Photo: Headline8
