নিউজ ডেস্কঃ নলবাৰী আৰক্ষীৰ বৃহৎ সফলতা। যোৱা ২০ নৱেম্বৰ তাৰিখে নলবাৰী অময়াপুৰৰ পাঞ্জাৱ নেশ্বনেল বেংকত সংঘটিত হোৱা ডকাইতি কাণ্ডৰ লগত জড়িত দহজন ডকাইতক আটক নলবাৰী আৰক্ষীৰ। জানিব পৰা মতে ডকাইতি কাণ্ডৰ লগত জড়িত এই বৃহৎ গেংটোত ওডালগুৰি, মুকালমুৱা, বৰপেটাকে ধৰি কেইবাখনো জিলাৰ যুৱক-যুৱতী জড়িত হৈ থকা বুলি আৰক্ষীয়ে তথ্য সদৰি কৰিছে।
অন্যহাতে এই ডকাইতৰ গেংটোৱে কেইবাখনো জিলাত ইতিমধ্যে ডকাইতি কাণ্ড সংঘটিত কৰি সন্ত্ৰাসৰ সৃষ্টি কৰি আহিছিল আৰু আজি নলৱাৰী আৰক্ষীয়ে দহজনক আটক কৰাৰ লগতে দুটা পিষ্টল, আঠজাঁই সজীৱ গুলী, দুইলাখ নগদ ধন, দুটা বেগ, আঠটা মোবাইল, এযোৰ জোতা, দুখন চাৰিচকীয়া বাহনৰ লগতে তিনিখন বাইক জব্দ কৰে। লক্ষনীয়ভাৱে এই ডকাইটি কাণ্ডৰ লগত জড়িত আন কেইবাজনো ডকাইত এই মুহূৰ্তলৈ আৰক্ষীয়ে আটক কৰিবলৈ সক্ষম হোৱা নাই যদিও অতি শীঘ্ৰে নলবাৰী আৰক্ষীৰ জালত পৰাৰ সম্ভাৱনা আছে।
