নিউজ ডেস্কঃ কলিয়াবৰৰ বৰালীগাঁৱত বনৰীয়া ম’হৰ আক্ৰমণত এজন লোকৰ মৃত্যুৰ ঘটনাই অঞ্চলটোত শোকৰ সৃষ্টি কৰিছে।
জানিব পৰা মতে, দেওবাৰে বিয়লি কলিয়াবৰৰ বৰালীগাঁৱৰ পথাৰত মাছ মাৰিবলৈ গৈছিল বুৰচিং টেৰণ আৰু ৰুমী মুৰা নামৰ এগৰাকী মহিলা আৰু এজন পুৰুষ।
সেই সময়তে এটা বনৰীয়া ম’হে আক্ৰমণত দুয়োজন গুৰুতৰভাৱে আহত হয়।
পিছত স্থানীয় ৰাইজে দুয়োকে সংকটজনক অৱস্থাত জখলাবন্ধা অসামৰিক চিকিৎসালয়ত ভৰ্তি কৰে যদিও বুৰচিং টেৰণৰ চিকিৎসালয়তে মৃত্যু ঘটে।
ইফালে ৰুমী মুৰা নামৰ মহিলাগৰাকীক বৰ্তমান জখলাবন্ধা এফ আৰ ইউ চিকিৎসালয়লৈ প্ৰেৰণ কৰা হৈছে।
