নিৰ্বাচনৰ দিন চমু অহাৰ লগে লগে ৰাজ্যৰ প্ৰতিটো ৰাজনৈতিক দল ব্যস্ত হৈ পৰিছে নিৰ্বাচনী ৰনকৌশল প্ৰস্তুত কৰাত ৷
প্ৰতিটো ৰাজনৈতিক দলে পূৰ্ণ গতিত চলাইছে নিৰ্বাচনী প্ৰচাৰ আৰু বৃদ্ধি পাইছে নিৰ্বাচনৰ ব্যাপক তৎপৰতা ৷
বৃহস্পতিবাৰে মায়ঙত অনুষ্ঠিত হয় অসম জাতীয় পৰিষদৰ নিৰ্বাচনী প্ৰচাৰ অভিযান ৷
জাগীৰোড সমষ্টিৰ অন্তৰ্গত মায়ঙৰ বুঢ়াবুঢ়ীত অনুষ্ঠিত হয় অজাপৰ এক যোগদান সমাৰোহ ৷
অনুষ্ঠানত উপস্থিত থাকে জাগীৰোড সমষ্টিৰ পৰা অজাপৰ প্ৰাৰ্থীত্বপ্ৰত্যাশী বুবুল দাস আৰু অজাপৰ দলীয় কৰ্ম-কৰ্তা ৷
উক্ত সভাত অসম জাতীয় পৰিষদ দলে এইবাৰ জাগীৰোড সমষ্টিত বিজেপিৰ বিৰুদ্ধে তীব্ৰ প্ৰতিদ্বন্দ্বিতামূলক নিৰ্বাচনী যুঁজত অৱতীৰ্ণ হ’ব বুলি উল্লেখ কৰে বুবুল দাসে ৷
মন্ত্ৰী পীয়ুষ হাজৰিকাক তীব্ৰ সমালোচনা কৰে বুবুল দাসে ৷
ইফালে, ন-এজেপি হাফিজুৰ ৰহমানে কয় যে অসমৰ জনসাধাৰণৰ প্ৰিয় ৰাজনৈতিক দল অসম জাতীয় পৰিষদ ৷
ইতিমধ্যেই কেইবাকোটি টকাৰ বৰঙণি আগবঢ়াইছে অজাপৰ পুঁজিলৈ ৷
মন্ত্ৰী পীযুষ হাজৰিকাৰ ভেঁটি এইবাৰ মহাশূন্যলৈ পৰিণত হ’ব বুলিও উল্লেখ কৰে হাফিজুৰ ৰহমানে ৷
