আৰম্ভ হৈছে বিটিচি নিৰ্বাচনৰ ভোট গণনা

নিউজ ডেস্কঃ ভোট গণনা আৰম্ভ হৈছে বিটিচি নিৰ্বাচনৰ ৷ মহকুমাৰ সদৰত পুৱা ৮ বজাৰ পৰা আৰম্ভ হৈছে ভোটগণনা প্ৰক্ৰিয়া৷ আজি নিৰ্ণয় হ’ব ২৪১ জন প্ৰাৰ্থীৰ ভাগ্য৷ বিটিআৰৰ মুঠ ৪০টা সমষ্টিৰ বাবে অনুষ্ঠিত হোৱা এই নিৰ্বাচনত কাৰ হাতলৈ যাব বিটিচি সেয়া লক্ষণীয় হ’ব ৷ প্ৰতিটো ভোটকেন্দ্ৰত যাতে কোনো হিংসাত্মক পৰিস্থিতিৰ সন্মুখীন হ’বলগীয়া নহয় তাৰ প্ৰতি লক্ষ্য ৰাখি ব্যাপক নিৰাপত্তাৰ ব্যৱস্থা কৰা হৈছে ৷
কোকৰাঝাৰ, পৰ্বতঝৰা, গোসাঁইগাঁও, বাক্সাৰ মুছলপুৰ, শালবাৰী, তামুলপুৰ, চিৰাঙৰ বিজনী, কাজলগাঁও, ওদালগুৰি ভেৰগাঁৱত আৰম্ভ হৈছে ভোটগণনা৷ ওদালগুৰি সদৰৰ উপায়ুক্ত কাৰ্যালয়ত আৰম্ভ হৈছে ভোটগণনা। ২,৪৮,৪৯৪ গৰাকী ভোটাৰে নিৰ্ণয় কৰিব ৩২ গৰাকী প্ৰাৰ্থীৰ ভাগ্য। ওদালগুৰি মহকুমাৰ ৫ টা সমষ্টিৰ সমষ্টিৰ চলিছে ভোট গণনা৷ তামুলপুৰ মহকুমাৰ ৫ টা পৰীষদীয় সমষ্টিৰ ভোট গণনা তামুলপুৰ উচ্চতৰ মাধ্যমিক বিদ্যালয়ত আৰম্ভ হৈছে। তামুলপুৰ মহকুমাৰ ৫ টা পৰিষদীয় সমষ্টিৰ ৩৪ গৰাকী প্ৰাৰ্থীৰ ভাগ্য নিৰ্ণয় কৰিব ৩,১২,৩৯৩ ভোটাৰে। বাগচা জিলাৰ ১১টা পৰিষদীয় সমষ্টিৰ ভোট গণনা তিনিটা মহকুমাত নিৰ্ণয় হব ৭০গৰাকী প্ৰাৰ্থীৰ ভাগ্য৷