মাজুলীবাসীৰ ৰাইজৰ বাবে সুখবৰ। আজি ৰাজ্যৰ মুখ্যমন্ত্ৰী হিমন্ত বিশ্ব শৰ্মা নিমাতীঘাটত উপস্থিত হৈ ছেপ্তেম্বৰৰ ২১বা ২২ তাৰিখৰ ভিতৰত মাজুলীবাসীৰ বাবে এক মোবাইল এপ্পৰ মুকলি হ’ব বুলি ঘোষণা কৰে।
এই এপ্পৰ যোগেদি ঘৰৰ পৰাই লোকসকলে জাহাজৰ টিকট কৰিব পাৰিব। ফলত তেওঁলোকে টিকটৰ বাবে লাইন নাপাতিলেও হ’ব।বিগত কিছুদিন ধৰি জাহাজৰ টিকটৰ বাবে মাজুলীবাসীৰ মাজত হাহাকাৰ পৰিস্থিতিৰ সৃষ্টি হোৱা পৰিলক্ষিত হৈছিল।
অহা ১৭ ছেপ্তেম্বৰত মাজুলীত এক নতুন অত্যাধুনিক কেটামৰাণ নামৰ ৰোপেক্সৰ দৰে এখন জাহাজ গুৱাহাটীৰ পৰা প্ৰেৰণ কৰা হ’ব।
এতিয়াৰ পৰা মাজুলীৰ পৰা বগীনদীৰ হৈ লখিমপুৰলৈ নৈশ ছুপাৰৰ ব্যৱস্থা কৰা হৈছে বুলি ঘোষণা কৰে। আগন্তুক দিনত যাত্ৰীৰ সংখ্যা বৃদ্ধি হ’লে বাছৰ সংখ্যা বৃদ্ধি কৰা হ’ব বুলি জানিবলৈ দিয়ে।