নিউজ ডেস্কঃ বিটিএডি নিৰ্বাচনৰ ঢৌৰ মাজতে সোণাপুৰ কলেজ গেটত বিধায়িকা আঙুৰলতা ডেকাৰ কনভয়ৰ বাহন দুৰ্ঘটনাত পতিত হয়। হঠাতে এখন খেৰ ভৰ্তি বাহনৰ সৈতে ৰাস্তা পাৰ হোৱাৰ সময়তে এই দুৰ্ঘটনা সংঘটিত হয়।দুৰ্ঘটনাৰ ফলত বিধায়িকা গৰাকীৰ দুজনকৈ দেহৰক্ষীৰ জোৱান আৰু চালক আহত হোৱা বুলি জানিব পৰা গৈছে।
আহত দেহৰক্ষীৰ জোৱান দুগৰাকী আৰু চালকজনক সোণাপুৰ জিলা চিকিৎসালয়লৈ প্ৰেৰণ কৰা হৈছে। উল্লেখযোগ্য যে, বিধায়িকা গৰাকীয়ে নিজে গাড়ীৰ পৰা নামি যানজঁট নিয়ন্ত্ৰণ কৰি সমষ্টি অভিমুখে ৰাওনা হয়।
