নিউজ ডেস্কঃ দৰং জিলাৰ দলগাঁও থানাৰ অন্তৰ্গত নমাটি চাৰি আলিৰ পৰা আজি ৰাইজে ড্ৰাগছ সহ এজন ব্যক্তিক আটক কৰি দৈপাম আৰক্ষীক চমজাই দিয়ে৷ জানিব পৰা মতে,খাৰুপেটীয়াৰ বিহুদিয়া গাওঁৰ ইউছুফ আলী (২১) নামৰ ব্যক্তি জনক ড্ৰাগছ সহ আটক কৰি দৈপাম আৰক্ষীক চমজাই দিয়া হয় ৷ধৃত ইউছুফ আলীয়ে ৬ মাহ ধৰি ড্ৰাগছ সেৱন কৰি আহিছে যদিও দলগাঁওৰ নমাটি চাৰি আলিৰ পৰা পোন্ধৰ দিন ধৰি ড্ৰাগছ সেৱন কৰি থকা বুলি জনায়৷ এই ক্ষেত্ৰত আৰক্ষীয়ে ড্ৰাগছ সৰবৰাহকাৰীৰ বিৰুদ্ধে তদন্ত অব্যাহত ৰাখিছে৷ ঘটনা সন্দৰ্ভত জাগৰণ মঞ্চৰ সভাপতি ফখৰুদ্দিন আহমেদে তীব্ৰ প্ৰতিক্ৰিয়া প্ৰকাশ কৰি দৈপাম আৰক্ষীক ঘটনাটো তদন্ত কৰি উচিত ব্যৱস্থা হাতত লবলৈ আহব্বান জনাইছে৷
