মৰিয়নি নগৰৰ দৈনিক বজাৰত সংঘটিত হৈছে এক ভয়ংকৰ অগ্নিকাণ্ড ৷
অগ্নিকাণ্ডত জাহ গ’ল কুৰিখনৰো অধিক দোকান ৷
বৃহস্পতিবাৰৰ মাজনিশা সংঘটিত হৈছে এই ভয়ংকৰ অগ্নিকাণ্ড ৷
সামগ্ৰী মজুত ৰখা কেইবাটাও গুদাম জাহ গৈছে অগ্নিকাণ্ডত ।
মৰিয়নি,যোৰহাট, ৰৰৈয়া, তিতাবৰৰ পৰা দহখনৰো অধিক অগ্নিনিৰ্বাপক বাহিনীৰ গাড়ীয়ে স্থানীয় ৰাইজৰ সহযোগত বহু চেষ্টাৰ অন্তত জুই নিৰ্বাপন কৰিবলৈ সক্ষম হয় ৷
আনহাতে অগ্নিকাণ্ডত হোৱা ক্ষয়-ক্ষতিৰ পৰিমাণ কেইবা লক্ষাধিক টকা হ’ব বুলি অনুমান কৰা হৈছে ৷
অগ্নিকাণ্ড সূত্ৰপাতৰ কাৰণ বৰ্তমানেও জানিব পৰা হোৱা নাই ৷
ঘটনাস্থলীত উপস্থিত হৈ বৰ্তমানৰ পৰিস্থিতিৰ বুজ লয় স্থানীয় বিধায়ক ৰূপজ্যোতি কুৰ্মীয়ে ৷
