নিউজ ডেস্কঃ ৰাজ্যত সুপৰিচিত ‘আৰ্য্য গ্ৰুপ’ৰ অৰ্থনৈতিক খেলিমেলি সন্দৰ্ভত শুকুৰবাৰে ৰাজ্যৰ বিভিন্ন স্থানত থকা ‘আৰ্য্য গ্ৰুপ’ৰ ২০টাকৈ ব্যৱসায়িক প্ৰতিষ্ঠানত তালাচী অভিযান চলায় আয়কৰ বিভাগে।
আয়কৰ বিভাগৰ ১৫০ জন বিষয়াৰ কেইবাটাও দলে প্ৰতিষ্ঠান সমূহত তালাচী চলায়।
আয়কৰ বিভাগে শুকুৰবাৰে ‘আৰ্য্য গ্ৰুপ’ৰ পবিতৰাস্থিত আৰ্য্য ইক’কেম্পত তালাচী চলোৱাৰ লগতে মহানগৰীৰ পল্টনবজাৰত থকা আৰ্য্য হাস্পতালতো তালাচী অভিযান চলায়।
প্ৰতিষ্ঠানটোৰ ব্যৱসায়ীক কেন্দ্ৰ সমূহত আয়কৰ বিভাগে চলোৱা এই তালাচী অভিযানৰ নেতৃত্ব দিয়ে ড০ বিজয় গোস্বামী, অনিল শৰ্মা আৰু ৰাম কৃষ্ণ প্ৰধানে।
