নিউজ ডেস্কঃ দুলীয়াজানৰ নতুন পাড়া অঞ্চলৰ হনুমান মন্দিৰৰ সমীপত সংঘটিত হয় এই অগ্নিকাণ্ড। বহু কেইটা গেছৰ চিলিণ্ডাৰ বিস্ফোৰণ হোবাৰ ফলত বহু কেইটা বাসগৃহ ভস্মীভূত। অইলৰ অগ্নি নিৰ্বাপক বাহিনীৰ গাড়ীৰে জুই নিয়ন্ত্ৰণৰ চেষ্টা চলাই আছে যদিও অক্ষম হোৱা বুলি জানিব পৰা গৈছে৷
উল্লেখ যে ঘটনা স্থলীলৈ যাব পৰা পথ অতি ঠেক আৰু সুচল নোহোৱা হেতুকে জুই নিয়ন্ত্ৰণৰ ক্ষেত্ৰত বিশেষ অসুবিধাৰ সন্মুখীন হৈছে।শিৱ প্ৰসাদ গুপ্তা নামৰ লোকজনৰ ঘৰত সংঘটিত হয় এই অগ্নিকাণ্ড। অগ্নিকাণ্ডত ঘৰটোৰ কেইবা লক্ষাধিক টকাৰ মূল্যবান সামগ্ৰী জুইত জাহ যোৱা বুলি জানিব পৰা গৈছে। ইয়াৰ লগতে ঘৰটোত ভাড়াতীয়া ৰূপে বসবাস কৰা জয় মঙ্গল নামৰ লোকজনৰ সকলো সা-সম্পত্তি জুইত ভস্মীভূত হয়। বৈদ্যুতিক বিজুতিৰ ফলতেই অগ্নিকাণ্ড সংঘটিত হোৱা বুলি সন্দেহ কৰা হৈছে। এতিয়া ঘটনা স্থলীত অইলৰ অগ্নিনিৰ্বাপক বাহিনীৰ গাড়ী উপস্থিত হৈ জুই নিয়ন্ত্ৰণৰ প্ৰচেষ্টা অব্যাহত ৰাখিছে।
