নিউজ ডেস্কঃ নগাঁও জিলাৰ ধিঙত বুধবাৰে সংঘটিত এক গুলীচালনাৰ ঘটনাই চাঞ্চল্যৰ সৃষ্টি কৰিছে।
জানিব পৰা মতে, বুধবাৰে নিশা ধিঙৰ সোণাৰী গাঁৱত বাইকত অহা এটা অস্ত্ৰধাৰী দুৰ্বৃত্তৰ দলে এজন যুৱকলৈ লক্ষ্য কৰি গুলীবৰ্ষণ কৰে।
এই ঘটনাত বেছামাৰী গাঁৱৰ ছোহেইল আহমেদ নামৰ যুৱকজন গুৰুতৰভাৱে আহত হয়।
ইফালে গুলীবৰ্ষণ কৰিয়েই অস্ত্ৰধাৰী দুৰ্বৃত্তৰ দলটোৱে পলায়ন কৰিবলৈ সক্ষম হয়।
পিছত স্থানীয় ৰাইজ আৰু আৰক্ষীয়ে মুমূৰ্ষ অৱস্থাত যুৱকজনক উদ্ধাৰ কৰি স্থানীয় চিকিৎসালয়লৈ প্ৰেৰণ কৰে।
ঘটনাস্থলীৰ পৰা আৰক্ষীয়ে খালী মেগাজিন আৰু এখন চোকা অস্ত্ৰ উদ্ধাৰ কৰিবলৈ সক্ষম হৈছে।
ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে যদিও এতিয়াও দুৰ্বৃত্তৰ দলটোৰ চিনাক্ত কৰিবলৈ সক্ষম হোৱা নাই।
