ভাৰতৰ দ্বিতীয় বৃহৎ তৈল প্ৰতিষ্ঠান অইল ইণ্ডিয়া লিমিটেডে উত্তৰ-পূৰ্বাঞ্চলৰ ৰাজ্যসমূহত পৰিসৰ বৃদ্ধিৰ পৰিকল্পনা গ্ৰহণ কৰিছে ।
ইতিমধ্যেই প্ৰতিষ্ঠানটোৱে বাংলাদেশ সীমান্তৰ দক্ষিণ ত্ৰিপুৰাত খাৰুৱা তেল উৎপাদনৰ প্ৰাৰম্ভিক প্ৰক্ৰিয়া আৰম্ভ কৰিছে ।
‘আত্মনিৰ্ভৰ ভাৰত’ৰ অধীনত ঘৰুৱাভাৱে উৎপাদন বৃদ্ধিৰ বাবে এই আঁচনি গ্ৰহণ কৰিছে অইলে ।
অসম আৰু অৰুণাচল প্ৰদেশৰ পিছত ত্ৰিপুৰা,মিজোৰামকে ধৰি বাকী ৰাজ্যসমূহতো পৰিসৰ বৃদ্ধি কৰিব প্ৰতিষ্ঠানটোৱে ।
মিজোৰামতো উদঘাটনৰ কাম চলি আছে যদিও এইপৰ্যন্ত খাৰুৱা তেল আৰু প্ৰকৃতিক গেছ উৎপাদন কৰিবলৈ সক্ষম হোৱা নাই ।
উল্লেখ্য, অইল ইণ্ডিয়া লিমিটেডে অসমত বছৰি প্ৰায় ৩.৩ নিযুত মেট্ৰিক টন খাৰুৱা তেল উৎপাদন কৰে ।
তাৰোপৰি ৮ নিযুত মেট্ৰিক ষ্টেণ্ডাৰ্ড কিউবিক মিটাৰ প্ৰাকৃতিক গেছ প্ৰতিদিনে উৎপাদন কৰে ।
