বকোত আজি পুৱাতে এটা ভয়ংকৰ পথ দুৰ্ঘটনা সংঘটিত হয়। মেঘালয় ৰাজ্যৰ ৰংপুৰৰ পৰা ১৭ নং ৰাষ্ট্ৰীয় ঘাইপথৰেৰে গুৱাহাটী অভিমুখে গৈ থকা এএচ-১৮/এচি-৩৫০০ নম্বৰৰ টাটা মেজিক খনে বকো থানাৰ অন্তৰ্গত আগচিয়াত ছাদেক আলী (৪৮) নামৰ লোকগৰাকী খুন্দা মাৰে। এই দুৰ্ঘটনাৰ ফলত লোক গৰাকীৰ থিতাতে মৃত্যু হয়। লগতে টাটা মেজিকখন পথৰ দাঁতিত বাগৰি পৰাৰ ফলত গাড়ীখনত উঠি অহা সাতগৰাকী মহিলা আহত হয়।
উল্লেখ্য যে, গাড়ীখনে গুৱাহাটীলৈ মহিলা ব্যৱসায়ীসহ শাক-পাচলি কঢ়িয়াই আনিছিল। মৃত্যু হোৱা ছাদেক আলী ঘৰ বকোৰ আগচিত।
