জনতাৰ মুৰত মাধমাৰ শোধাই ধৰাবাহিকভাৱে বিগত ১০ দিনত ৯বাৰকৈ বৃদ্ধি পালে পেট্ৰল-ডিজেলৰ মূল্য। বৃহস্পতিবাৰেও প্ৰতি লিটাৰ পেট্ৰল-ডিজেলত ৮০-৮০ পইচাকৈ বৃদ্ধি পালে। এই বৃদ্ধিৰ সৈতে বিগত ১০টা দিনত প্ৰতিলিটাৰ পেট্ৰলত দাম বৃদ্ধি হল প্ৰায় ৬.৪০টকা।
আনহাতে, এই বৃদ্ধিৰ লগে লগে অসমত প্ৰতিখন জিলাত পেট্ৰলৰ মূল্যই অতিক্ৰম কৰিলে শতকৰ ঘৰ। লখিমপুৰত বৃহস্পতিবাৰে প্ৰতিলিটাৰ পেট্ৰলৰ মূল্য হলগৈ ১০৩.২৪টকা। কামৰূপ মেট্ৰত আজিৰ দিনটোত পেট্ৰলৰ মূল্য ১০০.৭৮টকা, মাজুলীত ১০৩.২৮টকা, ওদালগুৰিত ১০১.২২টকা, গোলাঘাটত ১০০.৯৫টকা, ধুবুৰীত ১০১.২৩টকা, বাক্সাত ১০১. ৩৮টকা। ইফালে প্ৰতি লিটাৰ ডিজেলত কামৰূপ মেট্ৰত ৮৬.৭৫টকা, লখিমপুৰত ৮৯.০৪টকা, ওদালগুৰিত ৮৭.১৮টকা আৰু বাক্সাত ৮৭.৩০টকা।
