প্ৰাক্তন কংগ্ৰেছী মন্ত্ৰী অকন বৰাৰ পত্নী পাৰুল বৰাই শনিবাৰে নিশা ১০.৩০ বজাত শেষ নিস্বাস ত্যাগ কৰে।দীৰ্ঘদিন ধৰি কিডনিৰ জটিল ৰোগৰ লগতে কভিডতো আক্ৰান্ত হৈ আছিল পাৰুল বৰা। এপল’ হাস্পতালত চিকিৎসাধীন হৈ থকা অৱস্থাতে ইহলীলা সম্বৰন কৰে কংগ্ৰেছৰ যুৱনেতা মানস বৰাৰ মাতৃ পাৰুল বৰা।বৰাৰ মৃত্যুৰ লগে লগে এক শোকাকুল পৰিবেশে বিৰাজ কৰে।
এই খবৰ বিয়পি পৰাৰ লগে লগে APPC জেষ্ঠ্য নেতা অকন বৰাৰ বাসগৃহত অজস্ৰ গুণমুগ্ধই ভিৰ কৰে আৰু শোকসন্তপ্ত পৰিয়ালবৰ্গলৈ সমবেদনা জ্ঞাপন কৰে। কালি জ্যেষ্ঠ কংগ্ৰেছী নেতা ৰমেন বৰঠাকুৰৰ লগতে ভালেমান নেতা-কৰ্মী তথা প্ৰাক্তন মন্ত্ৰীগৰাকীৰ গুণমুগ্ধই অন্তিম শ্ৰদ্ধা নিবেদন কৰে মন্ত্ৰীপত্নীগৰাকীলৈ। পাৰুল বৰাৰ মৃত্যুত সাংসদ গৌৰৱ গগৈয়েও শোকপ্ৰকাশ কৰে। কেইবা শতাধিক লোকৰ উপস্থিতিত একমাত্ৰ পুত্ৰ তথা প্ৰদেশ কংগ্ৰেছৰ সম্পাদক মানস বৰাই ধৰ্মীয় ৰীতিনীতিৰে শেষ বিদায়ৰ কাম সম্পন্ন কৰে৷
