জুবিন গাৰ্গ অসুস্থ! জুবিন গাৰ্গক আজি পুৱা ডিব্ৰুগড়ৰ সঞ্জীৱনী হাস্পতালত ভৰ্তি কৰোৱা হয় যদিও চিন্তাৰ বিশেষ কাৰণ নাই বুলি হাস্পতালখনৰ কৰ্তৃপক্ষই জানিবলৈ দিছে। উল্লেখ্য যে, মঙ্গলবাৰে নিশা বাথৰুমত ঢলি পৰিছিল অসমৰ য়ুৱ প্ৰজন্মৰ হাৰ্টথ্ৰৱগৰাকী।
সঞ্জীৱনী হাস্পতালৰ চিকিৎসকে তেওঁৰ স্বাস্থ্যৰ পৰীক্ষা কৰি বিশেষ উদ্বেগৰ কাৰণ নাই বুলি জানিবলৈ দিছে। বৰ্তমান তেওঁ হাস্পতালৰ আই চি ইউত আছে। ইতিমধ্যে যাৱতীয় পৰীক্ষাসমূহ কৰা হৈছে আৰু প্ৰয়োজনত আৱেলি ভাগলৈ চিকিৎসকে তেওঁক যাবলৈ দিয়াৰ সম্ভাৱনা আছে। উল্লেখযোগ্য যে ডিব্ৰুগড়ৰ এখন ৰিজ’ৰ্টত আছিল জুবিন গাৰ্গ।
